Мәдәният

Милли музейда "Татарстан – спорт республикасы" күргәзмәсе ачыла

“Ак Барс” командасы өченче тапкыр яулап алган Гагарин Кубогын күргәзмә ачылган көнне генә күрсәтәләр.
13.06 12:12

(Казан, 13 июнь, "Татар-информ"). Бүген Казанда Милли музейда "Татарстан – спорт республикасы" күргәзмәсе ачыла. Бу турыда Татарстан Мәдәният министрлыгы матбугат хезмәте хәбәр итте.

Күргәзмә футбол буенча Дөнья чемпионатына багышлана. Биредә Татарстан спортчыларына бәйле материаллар да урын алачак. Шулар арасында авыр атлетика буенча Олимпия чемпионы Александр Курынов, шахмат буенча халыкара мастер Рәшит Нәҗметдинов, фехтование буенча Олимпия чемпионы Наилә Гыйләҗева кебек күренекле спортчыларның шәхси әйберләре куела.

"Милли музейда ачылачак күргәзмәнең экспонатлары уникаль. Республикабызның спорт казанышлары тарихыннан тыш, биредә Татарстан спорт клублары һәм спортчыларының соңгы елларда алган спорт трофейларын күреп булачак. Күргәзмәнең иң зур горурлыгы – “Ак Барс” тарафыннан өченче тапкыр яулап алынган Гагарин Кубогы. Аны музей кунакларына күргәзмә ачылган көнне генә тәкъдим итәчәкләр", диелгән әлеге хәбәрдә.

“Рубин” футбол клубы тарихына бәйле экспонатлар күргәзмәдә аерым урын алып тора. Музейга килүчеләр Россиянең футбол буенча Суперкубогын, Россия Чемпионнар Кубогын күрә алачак.

"Татарстан командалары тарафыннан яулап алынган бүләкләр шактый җыелган, спортчыларыбыз арасында Олимпия чемпионнары, Россия чемпионнары бар. “Зенит-Казан” командасы - бүгенге көндә дөньяда иң яхшы волейбол клубы, аның кубоклары да күргәзмәдә урын алачак", дип хәбәр итә министрлыкның матбугат хезмәте.

Музей кунаклары “КАМАЗ-мастер” командасы казанышлары белән танышып, аның кубокларын да күрә алачак.

  • Күргәзмә 15 июльгә кадәр эшли. 

КӨН ҮЗӘГЕНДӘ

Тунис товарларына Татарстанда һәм илнең башка төбәкләрендә ихтыяҗ бар

Бу хакта Татарстан Президенты Тунис Премьер-министры Юсеф Шахед белән очрашуда әйтте.

Рифкать Әхмәтҗанов әзерләгән этимологик сүзлекнең икенче бүлеген туганнары чыгарачак

“Татар теленең этимологик сүзлеге” авторы, инфаркт булу сәбәпле, вафат.

Дәүләт Советы Рәисе Фәрит Мөхәммәтшин Әлмәттә Парламент дәресе бирде

Мондый дәресләр республиканың барлык мәктәпләрендә үткәрелә: депутатлар, җәмәгать эшлеклеләре укучылар белән күзгә-күз очраша, аңлату эшләре алып бара

16 октябрьнең төп вакыйгалары - фото һәм сылтамалар

Татарстан Тунис белән хезмәттәшлек итәчәк, Габдулла Тукай турында китап тәкъдим ителде, беренче татар ораториясен студентлар әзерли.

Фәрит Мөхәммәтшин Әлмәт районы өлкәннәрен Ветераннар советының 40 еллыгы белән котлады

Татарстан Республикасы Дәүләт Советы Рәисенә ветераннар хәрәкәтендәге тырыш хезмәте өчен Мактау билгесе тапшырдылар.