Спорт

Көрәш буенча Дөнья чемпионаты Татарстанда Сабан туе мәйданында узачак

Чемпионатта җиде авырлык категориясендә бүләкләрнең җиде комплекты биреләчәк, приз фонды 50 мең доллар тәшкил итә.
13.06 12:50

(Казан, 13 июнь, “Татар-информ”). 16 июньдә Татарстанда Сабан туе мәйданында көрәш буенча Дөнья чемпионаты узачак. Бу хакта Россиянең Көрәш буенча федерациясе матбугат хезмәте хәбәр итә.

Турнир республикада узучы Сабан туйларының иң зурларыннан берсе булган Саба районы Миңгәр авылы Сабан туе үзәк мәйданында узачак. Мәйданда көрәш өчен подиумнар халыкара стандартлар буенча әзерләнә.

  • Тамашачылар 10.00 сәгатьтән 18.00 сәгатькә кадәр кече мәйданның ике мәйданчыгында беренчел ярышларны карый алачак. 19.00 сәгатьтә спортчылар парады һәм үзәк сәхнәдә финал булачак.

Быел ярышларда Европадан, Ерак Көнчыгыштан, якын һәм ерак чит илләрдән, Америкадан 150 спортчы катнашыр дип көтелә.

Чемпионат вакытында җиде авырлык категориясендә бүләкләрнең җиде комплекты биреләчәк, приз фонды 50 мең доллар тәшкил итә.

  • Россия җыелма командасында Татарстан данын 2017 елгы Дөнья кубогы иясе Азат Нурмөхәмәтов, көрәш буенча 2017 елгы Россия чемпионы Ренас Кәлимуллин һәм 2017 елгы Россия чемпионы Илмир Төхвәтуллин яклаячак. Командада шулай ук Төмән өлкәсеннән Егор Егоян һәм Альберт Рәхмәтуллин, Башкортстаннан Айнур Сыртаев, Мари Элдан Муса Галләмов көрәшәчәк. Россия җыелма командасының баш тренеры Фәрит Шәйхетдинов.

 

КӨН ҮЗӘГЕНДӘ

Казанда яшәүчеләр Ленин бакчасына Керчьта һәлак булганнар истәлегенә чәчәкләр алып килә

Керчь политехника көллиятендә теракт аркасында 19 кеше үлгән һәм тагын 52 кеше яраланган.

Р.Миңнехановка Deutsche Invest Capital Partners туры инвестицияләр фондын тәкъдим иттеләр

Республика Президенты Татарстан Хөкүмәте йортында Goetzpartners компаниясе һәм туры инвестицияләр фондының гамәлгә куючысы Штефан Гетце белән очрашты.

Ленин бакчасында Керчьта теракт корбаннарына мемориал барлыкка килде

Казан кешеләре бакча үзәгендәге фонтан янына чәчәкләр һәм шәмнәр алып килә.

17 октябрьнең төп вакыйгалары - фото һәм сылтамалар

"Интертат" сайтына аңлатмалы, этимологик сүзлекләр урнаштырылды, Керчьта һәлак булганнар истәлегенә Ленин бакчасына чәчәкләр алып килделәр.

Әлфия Йосыпова татар теле дөньяда үз позициясен югалтмый дип белдерде

Милли мәдәният һәм мәгариф югары мәктәбе директоры әйтүенчә, Төркиянең 20ләп уку йортында татар теле фән буларак өйрәнелә.