Фән һәм мәгариф

Татарстанда өч укучының наркотикларга каршы үткәрелгән тесты уңай нәтиҗә биргән

Алар барысы да эре шәһәрләрдә теркәлде, диде Лариса Сулима.
13.06 17:19

(Казан, 13 июнь, “Татар-информ”, Чулпан Шакирова). Татарстан укучыларының наркотик матдәләргә карата медицина тикшерүе тестында өч уңай проба табылган. Бу хакта бүген ТР Дәүләт Советының Мәгариф, фән, мәдәният һәм милли мәсьәләләр комитеты утырышында мәгариф министры урынбасары Лариса Сулима комитет рәисе Разил Вәлиевның соравына җавап биргәндә әйтте.

Разил Вәлиев мәгариф министры урынбасарына: “Ни өчен милли мәктәпләрдә тәртип бозучы балалар азрак?” дигән сорау бирде. Лариса Сулима исә миллилек принцибы буенча мониторинг алып барылмавын белдерде.

“Быел Татарстан укучылары арасында, наркотикларга каршы үткәрелгән тестта өч уңай проба табылды. Алар барысы да эре шәһәрләрдә теркәлде. Һөнәри уку йортлары студентлары төрле дәрәҗәдәге 58 хокук бозу гамәлендә гаепләнә. Алар арасында профилактика эшләре бара. Мәктәп эчендәге “учетта” 3042 бала тора, 2000нән артык бала балигъ булмаганнар белән эшләү комиссиясендә исәпкә алынган. Без бервакытта да тәртипсез балаларның кайсы мәктәптә: гомуми белем бирү мәктәбендәме, милли яисә коррекцион мәктәптә күбрәк булуын аерып карамадык, - диде Лариса Сулима.

КӨН ҮЗӘГЕНДӘ

Президент Татарстан белән "ЛУКОЙЛ"ның товар әйләнеше 50 миллиард сумга җитүен белдерде

Рөстәм Миңнеханов Казан Кремлендә "ЛУКОЙЛ" гамәви акционерлык җәмгыяте президенты Ваһит Алекперов белән очрашты.

Р.Миңнеханов Коррупциягә каршы көрәш буенча эшне җайга салу комиссиясе утырышын уздырды

Утырышта билгеләп үтелгәнчә, коррупциягә каршы җәмәгатьчелек фикерен формалаштыруга, гражданнарның хокукый аңын үстерүгә юнәлгән эшне оештыру кирәк.

Кама Аланы бистәсенә шәһәр статусы бирелергә мөмкин

Кама Аланы башлыгы сүзләренчә, бары тик биредә яшәүчеләр ризалыгы белән генә бистә шәһәр статусы алырга мөмкин.

“Сөембикә” операсының авторлары спектакльдә хатын-кыз язмышын сурәтләүләрен әйтәләр

“Сөембикә” операсы премьерасы Муса Җәлил исемендәге Татар дәүләт опера һәм балет театрында ике көн - 26 һәм 27 сентябрьдә күрсәтеләчәк.

Табигый газ ягучы техникаларның халыкара йөреше Бөгелмә аша узды

Техника колоннасы Баулы, Бөгелмә, Әлмәт аша уза, аннары Алексеевскига һәм Казанга юнәләчәк.