Җәмгыять, Спорт

Дәүләт Советы комитеты Яшьләр эшләре һәм спорт министрлыгын 2 ведомствога аеруны хуплады

Татарстан Хөкүмәте структурасында үзгәрешләр турындагы карар Дәүләт Советының якындагы утырышында кабул ителәчәк.
13.06 19:48

(Казан, 13 июнь, “Татар-информ”). Татарстан Дәүләт Советының Социаль сәясәт комитеты Татарстан Президенты Рөстәм Миңнехановның Яшьләр эшләре һәм спорт министрлыгын ике мөстәкыйль ведомствога - Яшьләр эшләре министрлыгы һәм Спорт министрлыгына үзгәртү тәкъдимен хуплады. Бу хакта республика парламенты матбугат хезмәте хәбәр итә.

Бу үзгәртеп коруга ихтыяҗны республика Премьер-министры урынбасары Ләйлә Фазлыева яшьләр сәясәтенә “комплекслы якын килү”нең мөһимлеге, шулай ук заманча яшьләр даирәсендә килеп чыккан чакыруларга оператив җавап бирү кирәклеге белән аңлатты.

“Әлбәттә, хәзерге министрлыкта яшьләр белән эшләү күләгәдә кала, минем карашка, оештыру ресурслары җитми, - дип фикерен белдеде Дәүләт Советы рәисе урынбасары Римма Ратникова. - Бу ведомстволарның йомшаруына юл куймаска кирәк, яшьләр сәясәте мәсьәләсен җентекләп эшләү мөһим”.

Татарстан Хөкүмәте структурасында үзгәрешләр турындагы тәгаен карар Дәүләт Советының якындагы утырышында кабул ителәчәк.

 

КӨН ҮЗӘГЕНДӘ

18 июньнең төп вакыйгалары - фото һәм сылтамалар

Мәскәү дәүләт педагогика университетында “Татар филологиясе” магистратура юнәлеше ачылган, туган тел укыту программасының төп өлешендә булачак.

Илдар Гыйльметдинов: “Татар теле” предметы балалар өчен мавыктыргыч булырга тиеш

Милли дәүләт телләрен белүчеләргә кызыксындыру чаралары булдыруны уйлап куярга кирәк.

Татар рәссамнары белән тарихчылар халыкка тарихи белем бирү проектларын башлап җибәрәләр

“Казан” милли-мәдәни үзәгендә оештырылган “Чиксезлеккә юл” күргәзмәсе - әлеге нияттән эшләнгән беренче эш.

Волонтерларга күбрәк нинди сораулар буенча мөрәҗәгать итүләре билгеле булды

Барлык волонтерларга чит тел белүе шарт итеп куелган булган.

Мәскәү дәүләт педагогика университетында “Татар филологиясе” магистратура юнәлеше ачылган

Татар филологиясенә 14 бюджет урыны бирелгән, әмма уку йортында бюджет урыннары тулмас дип борчылалар.