Икътисад

Миңнеханов һәм Браверман кече һәм урта эшмәкәрлекне үстерү турында фикер алышты

Рөстәм Миңнеханов Мәскәүдә федераль структураларда очрашулар үткәрде.
13.06 20:44

(Казан, 13 июнь, “Татар-информ”). Татарстан Президенты Рөстәм Миңнеханов Мәскәүгә эш сәфәре кысаларында Кече һәм урта эшмәкәрлекне үстерү буенча федераль корпорация җитәкчесе Александр Браверман белән очрашты. Бу хакта республика лидеры матбугат хезмәте хәбәр итә.

Миңнеханов белән Браверман Татарстан белән Кече һәм урта эшмәкәрлекне үстерү буенча федераль корпорация хезмәттәшлеге турында фикер алыштылар. Корпорация белән республиканың уртак проектлары күп: Илкүләм гарантия системасы катнашында кече һәм урта эшмәкәрлеккә финанс ярдәме һәм гарантия кысаларында 2015 елның гыйнварыннан агымдагы елның июненә кадәр Татарстанда 934 килешү төзелгән.

Моннан тыш, Кече һәм урта эшмәкәрлекне үстерү буенча федераль корпорация Россиянең 171 шәһәрен үз эченә алган Бизнес-навигаторның мәгълүмати порталын эшләгән. Бизнес-навигаторда Казан, Чаллы, Әлмәт һәм Түбән Кама тәкъдим ителгән.

Очрашуда Рөстәм Миңнеханов Татарстанның һәр шәһәрендә үз агросәнәгать паркын булдырырга кирәклеген белдерде. Анда җирле крестьян-фермерлык хуҗалыклары, ферма һәм шәхси хуҗалыклар продукциясе тәкъдим ителәчәк. Шулай итеп, авыл хуҗалыгы продукциясен җитештерүчеләргә стимул булдыру ниятләнә.

Шулай ук Татарстан Президенты Мәскәүдә Россия табигый ресурслар министры Дмитрий Кобылкин белән очрашты. Моннан тыш, Рөстәм Миңнеханов “Үсеш һәм тышкы икътисади эшчәнлек банкы” дәүләт корпорациясе рәисе Игорь Шувалов белән фикер алышты. Очрашулар икесе дә ябык режимда узды.

 

КӨН ҮЗӘГЕНДӘ

18 июньнең төп вакыйгалары - фото һәм сылтамалар

Мәскәү дәүләт педагогика университетында “Татар филологиясе” магистратура юнәлеше ачылган, туган тел укыту программасының төп өлешендә булачак.

Илдар Гыйльметдинов: “Татар теле” предметы балалар өчен мавыктыргыч булырга тиеш

Милли дәүләт телләрен белүчеләргә кызыксындыру чаралары булдыруны уйлап куярга кирәк.

Татар рәссамнары белән тарихчылар халыкка тарихи белем бирү проектларын башлап җибәрәләр

“Казан” милли-мәдәни үзәгендә оештырылган “Чиксезлеккә юл” күргәзмәсе - әлеге нияттән эшләнгән беренче эш.

Волонтерларга күбрәк нинди сораулар буенча мөрәҗәгать итүләре билгеле булды

Барлык волонтерларга чит тел белүе шарт итеп куелган булган.

Мәскәү дәүләт педагогика университетында “Татар филологиясе” магистратура юнәлеше ачылган

Татар филологиясенә 14 бюджет урыны бирелгән, әмма уку йортында бюджет урыннары тулмас дип борчылалар.