Татар дөньясы

Ташкент Сабан туе мәйданга 40 мең кешене җыйган

Сабан туе тарихында икенче тапкыр татар милли баш киеме конкурсы уздырылган.
13.06 21:43

(Казан, 13 июнь, «Татар-информ»). 10 июньдә Ташкент шәһәрендә Сабан туе бәйрәме уздырылган. Мәйданга 40 меңгә якын кеше җыелган. Бу хакта Татарстанның Үзбәкстандагы вәкиллеге хәбәр итә.

Сабан туе Ташкентның “Дуслык бакчасы” шәһәр мәдәният һәм ял паркында үткәрелгән. Бәйрәм программасында милли киемнәр бәйрәм йөреше уздырылган. Ул үзәк керү капкасында башланып, сәхнәгә кадәр дәвам иткән.

Сәхнәдә Үзбәкстанның һәм Татарстанның танылган сәнгать осталары катнашында зур концерт оештырылган. Анда Зөфәр Билалов белән Зәйнәб Фәрхетдинова, “Фәридә-Алсу” дуэты, Наил Сәгъдиев, Үзбәкстан дәүләт циркы акробатлар триосы, “Яшьлек”, “Изге нур”, “Сандугач”, “Агыйдел”, “Ләйсән” һ.б. татар һәм үзбәк ансамбльләре чыгыш ясаган.

Паркта татар милли ризыклары һәм кул эшләре күргәзмәсе дә оештырылган. Шулай ук Сабан туенда гадәттәгечә милли уеннар да үткәрелгән.

Ташкент Сабан туе тарихында икенче тапкыр татар милли баш киеме конкурсы уздырылган. Конкурста 3 яшьтән 15 яшькәчә кызлар һәм малайлар, шулай ук 16-35 яшьлек егетләр-кызлар катнашкан. Җиңүчеләргә Дипломнар, калфаклар һәм түбәтәйләр бүләк ителгән.

 

КӨН ҮЗӘГЕНДӘ

Р.Миңнеханов: Сингапур белән элемтәләрне үстерүдә Татарстан төбәк дәрәҗәсендә катнаша

Россия һәм Сингапур арасында дипломатик мөнәсәбәтләрне Сингапурның беренче Премьер-министры Ли Куан Ю урнаштырды, диде Максим Акимов.

Кариев театры премьералар парады вәгъдә итә

Кариев театры яңа сезонын 4 октябрьдә “Куян Эдвардның гаҗәеп сәяхәте” спектакле белән ача.

ТНВ каналы “Көтелмәгән кунак” кинокомедиясен тәкъдим итте

Сериал эфирга 22 сентябрь көнне сәгать 15.30 чыгачак.

“Янган-тау” Россиядә ЮНЕСКОга кертелгән беренче геопарк булачак

Халыкара экспертлар Башкортстандагы “Янган-тау” геопаркындагы барлык объектларның геологик һәм тарихи кыйммәтен билгеләгән.

Сергей Осипов гриппның куркыныч өзлегүләргә китерү ихтималын аңлатты

Гриппка каршы вакцинация үткәргәндә, ата-аналар арасында аңлату эшләре тиешле дәрәҗәдә алып барылырга тиеш, дип саный белгечләр.