Җәмгыять

Балтачта иҗтимагый комиссия төзелеш объектларындагы җитешсезлекләрне ачыклады

Бу юнәлештә район башлыгы Рамил Нотфуллин тәкъдиме белән төзелгән иҗтимагый комиссия үзенеӊ эшен башлады.
14.06 05:00

(Балтач, 14 июнь, “Татар-информ”, “Хезмәт”). Балтач районында быел да республика программалары кысаларында бара торган яӊа төзелеш һәм капиталь ремонт объектлары шактый. Бу көннәрдә иҗтимагый комиссия, әлеге объектларда булып, андагы җитешсезлекләрне ачыклады, дип яза җирле басма.

Бу юнәлештә район башлыгы Рамил Нотфуллин тәкъдиме белән төзелгән иҗтимагый комиссия үзенеӊ эшен башлады. Балтач гимназиясе, Карадуган балалар бакчаларында барган ремонт, төзелеш барышы буенча үз тәкъдимнәрен кертте. Шулай ук Балтач бистәсендә Зоя Космодемьянская, 1а адресы буенча урнашкан ике катлы күп фатирлы йорттагы ремонт эшләре белән таныштылар. Бүгенге көндә бу йортта «Строймастер» оешмасы тарафыннан ремонт эшләренә тотынганнар. Оешма җитәкчесе Нияз Җаббаров әйтүенчә, бүленгән акча килүен көтсәӊ, эшләр соӊга калырга мөмкин, шуӊа да подъездларда штукатурка, агарту эшләрен башлаганнар. Бу йорт 1990 елда ул чактагы «Мехчы» берләшмәсе тарафыннан хуҗалык исәбенә төзелгән.Түбәдән су аккач, 2014 елда түбәсе калайга алыштырылган. Бу елда ремонт өчен 2 миллион 600 меӊ сум каралган, шуныӊ 2 миллион 300 меӊе турыдан-туры төзелеш эшләренә. Фасадны җылытып тышлау, подъездагы эшләр һәм электр линияләрен яӊарту каралган. Шулай ук подъезд баскычлары да төзелеш һәм куркынычсызлык таләпләренә туры килми. Комисссия ремонт башкаручы оешмага да үз тәкъдимнәрен, киңәшләрен бирде, конкрет бурычлар билгеләде.

КӨН ҮЗӘГЕНДӘ

Р.Миңнеханов: Сингапур белән элемтәләрне үстерүдә Татарстан төбәк дәрәҗәсендә катнаша

Россия һәм Сингапур арасында дипломатик мөнәсәбәтләрне Сингапурның беренче Премьер-министры Ли Куан Ю урнаштырды, диде Максим Акимов.

20 сентябрьнең төп вакыйгалары - фото һәм сылтамалар

"Калеб" проектлары Кариев театрында күрсәтеләчәк, ТНВ каналы “Көтелмәгән кунак” кинокомедиясен тәкъдим итте, Казанда татар юмор мәктәбен булдыралар.

ТНВ каналы “Көтелмәгән кунак” кинокомедиясен тәкъдим итте

Сериал эфирга 22 сентябрь көнне сәгать 15.30 чыгачак.

“Янган-тау” Россиядә ЮНЕСКОга кертелгән беренче геопарк булачак

Халыкара экспертлар Башкортстандагы “Янган-тау” геопаркындагы барлык объектларның геологик һәм тарихи кыйммәтен билгеләгән.

Сергей Осипов гриппның куркыныч өзлегүләргә китерү ихтималын аңлатты

Гриппка каршы вакцинация үткәргәндә, ата-аналар арасында аңлату эшләре тиешле дәрәҗәдә алып барылырга тиеш, дип саный белгечләр.