Җәмгыять

Актанышта сыендыручы гаиләләрдә тәрбияләнүче балалар өчен Сабантуе үтте

Такталачык коррекцион мәктәбен тәмамлаган 2 егеткә Рәхмәт хатлары, истәлек бүләкләре тапшырылды.
14.06 02:00

(Актаныш, 14 июнь, "Татар-информ", "Актаныш таңнары" , Лилия Бәхтиева). 2006 елдан бирле Актанышта сыендыручы гаиләләрдә тәрбияләнүче балалар өчен Сабантуй уза. Ел саен районның бер җирлегендә оеша ул, дип яза җирле басма.

Узган ел балаларны Киров авыл җирлеге бәйрәмгә дәшкән булса, быел эстафетаны Чуракай авыл җирлегеннән Зинфир һәм Эльвера Рашитовлар кабул итеп алды.

Көннәр салкын тору сәбәпле, инде бер тапкыр күчерелгән бәйрәмне, бүген өстән явып торса да, оештыручылар кабат күчерергә теләмәде. Тышта яңгыр, салкын дип кенә ничек балаларны бәйрәмнән мәхрүм итмәк кирәк ди?!

Чуракай мәдәният йортында гөрләде бүген Сабантуе. Салкын кебек тоелган бүлмә дә тора-бара җылынды, балалар да үзара уртак телне тиз табык, дуслашып беттеләр. Язмыш кочагына ташланган балаларны үз гаиләләренә сыендыра алган әти-әниләрнең йөрәк җылысын тоеп, нарасыйларның үзләренең шушы тормышка гашыйк күзләрен күреп, күктә кояш та күренеп-күренеп алды чара барышында. Болытлар аша булса да елмайды ул бәйрәм итүчеләргә. Табигать-Ана кешеләрдән бик күпкә мәрхәмәтлерәк шул ул...

Барысы 10 гаиләбез, 33 балабыз быел да шушы матур бәйрәмгә җыелдык. Ә болай без ата-аналар белән дә, балалар белән дә ай саен очрашып торабыз: проблемалар уртага салып сөйләшенә, үзара киңәш-табыш та итәбез, уңышларыбызны да барлыйбыз, - дип, бәйрәм башында сүз алды район башкарма комитетының опека һәм попечительлек бүлеге җитәкчесе Лена Фазлыева.

Ул быел Такталачык коррекцион мәктәбен тәмамлаган 2 егеткә Рәхмәт хатлары, истәлек бүләкләре тапшырды, аларга яңа тормыш юлына аяк басканда уңышлар теләде. Тантанада шулай ук ел дәвамында яхшы укыган, төрле өлкәдә уңышларга ирешкән 5 укучы да хөрмәтләнде.

Аннан соң исә чып-чын Сабантуе башланды: бина эчендә булса да, балалар капчык киеп тә йөгерде, чүлмәк тә ватты, сикерделәр дә, йөгерделәр дә. Егет-кызлар шигырь-җырларын башкарып, осталыкларын күрсәтергә дә өлгерделәр, диелгән район хәбәрендә.

КӨН ҮЗӘГЕНДӘ

Тунис товарларына Татарстанда һәм илнең башка төбәкләрендә ихтыяҗ бар

Бу хакта Татарстан Президенты Тунис Премьер-министры Юсеф Шахед белән очрашуда әйтте.

Рифкать Әхмәтҗанов әзерләгән этимологик сүзлекнең икенче бүлеген туганнары чыгарачак

“Татар теленең этимологик сүзлеге” авторы, инфаркт булу сәбәпле, вафат.

Дәүләт Советы Рәисе Фәрит Мөхәммәтшин Әлмәттә Парламент дәресе бирде

Мондый дәресләр республиканың барлык мәктәпләрендә үткәрелә: депутатлар, җәмәгать эшлеклеләре укучылар белән күзгә-күз очраша, аңлату эшләре алып бара

16 октябрьнең төп вакыйгалары - фото һәм сылтамалар

Татарстан Тунис белән хезмәттәшлек итәчәк, Габдулла Тукай турында китап тәкъдим ителде, беренче татар ораториясен студентлар әзерли.

Фәрит Мөхәммәтшин Әлмәт районы өлкәннәрен Ветераннар советының 40 еллыгы белән котлады

Татарстан Республикасы Дәүләт Советы Рәисенә ветераннар хәрәкәтендәге тырыш хезмәте өчен Мактау билгесе тапшырдылар.