Мәдәният

Футбол буенча дөнья чемпионатының матбугат үзәгендә Лаеш районы мәдәнияте тәкъдим ителде

Районның Гавриил Державин исемендәге музей хезмәткәрләре белән районның иҗат коллективлары татар, рус, керәшен мәдәниятен күрсәтте.
14.06 12:26

(Казан, 14 июнь, “Татар-информ”, Чулпан Шакирова). Казан It-parkында урнашкан Футбол буенча дөнья чемпионытының матбугат үзәгендә Лаеш районыннан килгән иҗат коллективлары районның мәдәни байлыгын күрсәтүче программа тәкъдим итте. Оештыручылар сүзләренчә, мондый төр интерактивлар Чемпионат вакытында һәр көнне 11.00-12.00 сәгать аралыгында булачак.

Беренче булып, татар мәдәниятен күрсәтүче “Алтын канатлар” фольклор ансамбле чыгыш ясады. Алар татар халкының “йөзек салыш” уенын тәкъдим итте. Җәза буларак, үз сәләтләрен күрсәттеләр – җырладылар, биеделәр, шигырь сөйләделәр һәм хәтта әтәч булып та кычкырдылар. Соңыннан исә бәйрәмнәрнең рәсми булмаган гимнына әверелгән “Бәхеттә, шатлыкта” җырын башкардылар.

Керәшен балаларының “Көмеш” фольклор ансамбле керәшеннәр мәдәниятен тәкъдим итте. Ташкирмән – Лаеш районындагы бердәнбер керәшен авылы. Алар борынгыдан килгән бию күрсәтелде. Аның төп үзенчәлеге – аякларны җирдән аермыйча, тыпырдап бию. Ул самавыр морҗасына гади пычак белән сугып чыгарган тавышка башкарыла.

“Бездә тәңречелек киң таралган. Көчле тавышлар җен-пәриләрне куркыта дигән ышану яшәп килә. Безнең киемнәребез дә шуны раслый. Яулыкны мөгез калдырып бәйләү, шалтырый торган бизәнү әйберләре тагу шуннан килә”, - диде керәшен ансамбле җитәкчесе Сабанаева.

“Каравон” рус фольклор ансамбле 300 еллык тарихы булган Каравон бәйрәмен тәкъдим итте. Ул барлык кыр эшләре тәмамлангач үткәрелә.

“Каравонның өч төп җыры бар. Ул өчәр тапкыр, өч көн дәвамында башкарыла. Шулай итеп, Каравон өч көн дәвам итә”, - диде ансамбль җитәкчесе.

Шулай ук Державин исемендәге музей хезмәткәрләре явыз көчләрдән саклаучы сакчы (бөти) һәм матрешкалар ясау һәм буяу буенча мастер-класс күрсәтте.

“Берәүгә дә сер түгел, Лаеш җире – туристларны җәлеп итә торган район. Без үзебезнең музейда туристларны Екатерина II һәм кенәз хатыны Дашкова костюмыннан каршы алабыз. 2013 елдан башлап, бездә паруслы спорт төре буенча ярышлар уза. Быел Яр буе мәйданчыгы төзеләчәк. Бу да туристларны җәлеп итү өчен үз эшен эшләр дип уйлыйбыз. Чемпионат вакытында да туристларны көтәбез. Инде заявкалар бар, - диде “Татар-информ”га Г. Державин исемендәге музейның кече фәнни хезмәткәре Светлана Никитина.

Лаеш муниципаль районы тарафыннан күргәзмә дә әзерләнгән иде. Анда Лаеш җирлеге турында мәгълүматлар тупланган басмалар, магнитлар, карандашлар тәкъдим ителде. Шулай ук татар милли ризыкларыннан торган чәй табыны янында чәкчәк, кош теле, бавырсактан авыз итәргә мөмкин иде.

Иртәгә, интерактив буларак, Казанның туризм комитеты үз чыгышын тәкъдим итәчәк.

 

КӨН ҮЗӘГЕНДӘ

Тунис товарларына Татарстанда һәм илнең башка төбәкләрендә ихтыяҗ бар

Бу хакта Татарстан Президенты Тунис Премьер-министры Юсеф Шахед белән очрашуда әйтте.

“Татмедиа” республика агентлыгы футбол чемпионатын яктырткан журналистларны бүләкләде

Бүләкләнүчеләр арасында “Татар-информ”ның 17 хезмәткәре бар.

КФУ эксперты: Казанда аномаль җылы һава торышы 25 октябрьгә кадәр саклана

Казан университеты профессоры Татарстанда 21 октябрьгә кадәр явым-төшем күзәтелми, дип җиткерә.

Гөлшат Зәйнашеваның 90 еллыгына багышланган флешмобка Газинур Фарукшин кушылды

Оештыручылар теләге булган һәркемне флешмобка кушылырга чакыра.

Дәүләт Советы Рәисе Фәрит Мөхәммәтшин Әлмәттә Парламент дәресе уздырды

Мондый дәресләр республиканың барлык мәктәпләрендә үткәрелә: депутатлар, җәмәгать эшлеклеләре укучылар белән күзгә-күз очраша, аңлату эшләре алып бара