Җәмгыять

FIFA җанатарлары фестивале ачылышында туп формасындагы чәкчәк белән сыйлаячаклар

Гиннесс рекордлар китабы вәкилләре чәкчәк күләмен теркәячәк.
14.06 12:49

(Казан, 14 июнь, “Татар-информ”). Бүген, 14 июньдә, “Казан” гаилә үзәге янында FIFA җанатарлары фестивале ачылышында туп формасындагы чәкчәк белән сыйлаячаклар. Аның авырлыгы 4 мең килограммнан артып киткән.

Бу хакта Instagramда Казан шәһәре башкарма комитеты җитәкчесенең беренче урынбасары Дамир Фәттахов хәбәр итте. ”Хәзерге вакытта Гиннесс рекордлар китабы вәкилләре рекордны терки. Шуңа була безнең фанфест турында “балга манганнармыни” дип шаяртаячаклар әле”, - дип хәбәр итте ул.

”Welcome to Kazan! Рәхим итегез Татарстанга! Добро пожаловать в Россию!” җанатарлары фестивале ачылышы 15 сәгать 30 минутта була.

Театральләштерелгән шоу Казанның, Татарстанның һәм Россиянең тарихи, мәдәни һәм спорт мирасы турында сөйләячәк. “Казан” гаилә үзәге мәйданында Татарстан дәүләт камера хоры, “Мизгел” бию театры, Казан” бию ансамбле, CRYSTAL шоу балеты, Drum Time барабан шоуы, Action Man Crew брейк-командасы һәм тагын бик күп чыгышлар булачак.

Фестивальнең беренче көн хедлайнеры “Мураками” төркеме һәм солистка Диләрә Ваһапова командасы булачак.

 

КӨН ҮЗӘГЕНДӘ

Разил Вәлиев: Мәгариф турындагы законга яңадан кайтырга кирәк

Татарстан депутаты Владимир Путинның Россия халыклары милли телләрен яңадан торгызу инициативасын шатланып кабул итте.

Сораштырылган эшмәкәрләрнең яртысы быел бизнес алып бару өчен шартлар начарайганын әйткән

Тимур Нагуманов эшлеклелек активлыгы кимүенә карата борчылуын белдерде.

Путин Россия халыкларының милли телләрен саклау программасын торгызу ихтыяҗы булуын әйтте

СССР заманында дәүләттә милли телләрне саклау буенча махсус программа бар иде, дип искә төшергән ул.

Р.Миңнеханов санитар зоналар буенча кагыйдәләр турында: Каш ясыйм дип, күз чыгару кебек бу

Президент эшмәкәрләргә, санитар зоналар турында яңа кагыйдәләргә үзгәрешләр кертү турында федераль Хөкүмәткә хат юлларга вәгъдә бирде.

Рөстәм Миңнеханов эшмәкәрләргә битараф җитәкчеләрне ярты ел кабул итмәү белән янады

Татарстан Президенты түрәләрнең эшмәкәрләр белән сөйләшергә өйрәнергә тиешлеген әйтте.