Җәмгыять

Казанның туризм үсешенә ярдәм комитеты Татарстаннан казылык алып китәргә кушты

Дарья Санникова туристларны төп-5 программада катнашырга чакырды.
14.06 17:20

(Казань, 14 июнь, «Татар-информ», Чулпан Шакирова). Казан шәһәренең туризм үсешенә ярдәм комитеты җитәкчесе Дарья Санникова туристларга, Татарстан бүләге итеп казылык алып китәргә кушты. Бу хакта ул бүген Чемпионатның шәһәр матбугат үзәгендә узган матбугат очрашуында белдерде.

Журналистлар соравы буенча, Санникова туристларны төп-5 программада катнашырга чакырды.

“Мин Кабан күле буйлап су юлы экскурсиясендә йөрергә киңәш итәр идем. Бу бик мавыктыргыч һәм кызыклы.

Шулай ук Казан Кремленең панорамалы мәйданына – мәчет һәм Правословие храмы уртасына басып, шәһәрне күзәтегез дип әйтә алам. Бу урын турында Александр Дюма да язган заманында. “Дөньяның бер генә почмагында да Казандагы кебек мондый дуслыкны күрергә мөмкин түгел” дигән ул.

Боларга өстәп, тагын өчпочмак пешерү буенча мастер-класста катнашырга һәм аның рецептын үзегез белән алырга киңәш итәм.

Төнге экскурсияләрдә катнашырга була. Ул төнге шәһәрнең матурлыгына соклану өчен кирәк.

Шулай ук Казанның 25 катлы бинасына менеп, шәһрне кош очышы биеклегеннән күзәтергә һәм селфи ясарга киңәш итәм”, - диде.

Дарья Санникова туристларга сувенир буларак казылык алырга куша.

“Мин үзем дә берничә тапкыр бу хәлнең шаһиты булганым бар. Татарстанга эш белән килүче туристларга да казылык алып кайтырга кушалар икән”, - диде Комитет җитәкчесе.

 

КӨН ҮЗӘГЕНДӘ

Разил Вәлиев: Мәгариф турындагы законга яңадан кайтырга кирәк

Татарстан депутаты Владимир Путинның Россия халыклары милли телләрен яңадан торгызу инициативасын шатланып кабул итте.

Сораштырылган эшмәкәрләрнең яртысы быел бизнес алып бару өчен шартлар начарайганын әйткән

Тимур Нагуманов эшлеклелек активлыгы кимүенә карата борчылуын белдерде.

Путин Россия халыкларының милли телләрен саклау программасын торгызу ихтыяҗы булуын әйтте

СССР заманында дәүләттә милли телләрне саклау буенча махсус программа бар иде, дип искә төшергән ул.

Р.Миңнеханов санитар зоналар буенча кагыйдәләр турында: Каш ясыйм дип, күз чыгару кебек бу

Президент эшмәкәрләргә, санитар зоналар турында яңа кагыйдәләргә үзгәрешләр кертү турында федераль Хөкүмәткә хат юлларга вәгъдә бирде.

Рөстәм Миңнеханов эшмәкәрләргә битараф җитәкчеләрне ярты ел кабул итмәү белән янады

Татарстан Президенты түрәләрнең эшмәкәрләр белән сөйләшергә өйрәнергә тиешлеген әйтте.