Сәясәт

Төркиядә президент һәм парламент сайлаулары уза

Төркиядә якшәмбе көнне, вакытыннан алда узучы президент һәм парламент сайлаулары өчен участоклар ачылды.
24.06 12:42

(Казан, 24 июнь, “Татар-информ”). Төркиядә вакытыннан алда президент һәм парламент сайлаулары уза. Бу хакта РИА Новости хәбәр итә.

Сайлау бюллетеньнәренә кергән фамилияләр: Төркиянең хәзерге президенты Реджеп Тайип Эрдоган (идарә итүче Гаделлек һәм үсеш партиясеннән), Мөхәррәм Индже (Халык-республикасы төп оппозицион партиясеннән), Селахаттин Демирташ (Халыклар демократиясе прокурд партиясеннән), Мераль Акшенер (Яхшы партиядән), Темель Карамоллаоглу (Бәхет партиясеннән) һәм Догу Перинчек (“Ватан” партиясеннән). Президент сайлаулары белән беррәттән парламент сайлаулары да уза.

Сайлауларда барлыгы 56,3 миллион сайлаучы тавыш бирергә хокуклы. Сайлау участоклары 17:00 сәгатькә кадәр эшли (Мәскәү вакыты белән тәңгәл килә). 1,5 миллионнан артык төрек кешесе чит илдә тавыш биргән.

Хәзерге башлык беренче турда ук җиңүгә өметләнә. Ләкин җәмәгатьчелек фикерен тикшерүче кайбер үзәкләр, 8 июльдә узучы икенче тур кирәк булачак дип саный.

Парламент сайлауларында тугыз сәяси партия катнаша, аларның берсе сайлауларга байкот оештырган.

Сайлаулар уздыру сәбәпле, сайлау пунктларында югары дәрәҗәдә куркынычсызлык чаралары тәэмин ителә. Төркиянең зур шәһәрләрендә иминлек тәэмин итү өчен өстәмә көчләр җибәрелгән.

КӨН ҮЗӘГЕНДӘ

20 июльнең төп вакыйгалары - фото һәм сылтамалар

В.Путин пенсия яшен арттыруны ошатмый, Р.Миңнеханов Х.Биктиевны “Дуслык” ордены белән бүләкләде, В.Шәйхразиев кабат Милли Шура рәисе итеп сайланды.

Рөстәм Миңнеханов Путинга Универсиаданың спорт мирасын куллану турында сөйләде

Казан спорт объектлары чыгымнарының бер өлешен шәхси инвестицияләр каплый.

Рөстәм Миңнеханов Хәким Биктиевны “Дуслык” ордены белән бүләкләде

Казанда татар дин әһелләре форумында Калининградта мөселман җәмгыятенә нигез салучыга орден тапшырдылар.

Энгель Фәттахов Бөтендөнья татар конгрессының Милли Шурасы составыннан чыгарылды

Бөтендөнья татар конгрессының чираттан тыш съездында Э.Фәттахов урынына Мәгариф һәм фән министры Рафис Борһановны сайладылар.

Ринат Закиров Милли Шура рәисенең ни өчен кабат сайлануын аңлатты

Бөтендөнья татар конгрессы Башкарма комитеты рәисе әйтүенчә, уставта төгәлсезлекләр булган.