Сәясәт

Төркиядә сайлау вакытында хокук бозуга зарланганнар

Төркиянең Халыклар демократиясе прокурд партиясе Югары сайлау комитетына (ВИС) шикаять белдергән.
24.06 17:17

(Казан, 24 июнь, "Татар-информ"). Төркиянең Халыклар демократиясе прокурд партиясе Югары сайлау комитетына (ВИС) шикаять белдергән. Шикаятьтә президент һәм парламент сайлаулары вакытында илнең көньяк-көнчыгышында хокук бозулар турында әйтелгән. Бу хакта партиянең матбугат хезмәте хәбәренә сылтама белән РИА Новости яза.

“Безнең партия вәкиле Шанлыурфа провинциясенең Суруч шәһәрендә сайлау участокларында тавыш бирү барышында булган хокук бозулар турында ВИСка шикаять язды. Аның шикаятендә әйтелгәнчә, әлеге участокларда сайлаучыларга коралланган төркемнәр тарафыннан янау, бер кешенең берничә бюллетень куллану очрагы, шулай ук безнең партиянең күзәтүчесенә һәм сайлау комисииясе хезмәткәрләренә һөҗүм итү булган. Бу хәлләрне кичекмәстән тикшерергә кирәк”, - дип хәбәр итә Халыклар демократиясе партиясе матбугат хезмәте.

Вакытыннан алда президент һәм парламент сайлау өчен якшәмбе көнне сайлау бюллетеньнәренә кергән фамилияләр: Төркиянең хәзерге президенты Реджеп Тайип Эрдоган (идарә итүче Гаделлек һәм үсеш Партиясеннән), Мөхәррәм Индже (Халык-республикасы төп оппазицион партиясеннән), Селахаттин Демирташ (Халыклар демократиясе прокурд партиясеннән), Мераль Акшенер (Яхшы партиядән), Темель Карамоллаоглу (Бәхет партиясеннән) һәм Догу Перинчек (“Ватан” партиясеннән). Президент сайлаулары белән беррәттән парламент сайлаулары да уза.

 

КӨН ҮЗӘГЕНДӘ

Президент Татарстан белән "ЛУКОЙЛ"ның товар әйләнеше 50 миллиард сумга җитүен белдерде

Рөстәм Миңнеханов Казан Кремлендә "ЛУКОЙЛ" гамәви акционерлык җәмгыяте президенты Ваһит Алекперов белән очрашты.

Р.Миңнеханов Коррупциягә каршы көрәш буенча эшне җайга салу комиссиясе утырышын уздырды

Утырышта билгеләп үтелгәнчә, коррупциягә каршы җәмәгатьчелек фикерен формалаштыруга, гражданнарның хокукый аңын үстерүгә юнәлгән эшне оештыру кирәк.

Минтимер Шәймиев: Кешеләрне сөендереп, яшьләргә үрнәк булырлык матур эшләр эшләнә

"ЛУКОЙЛ" ширкәте оештыра торган бәйгедә 146 проект җиңүгә лаек, дип табылды.

Кама Аланы бистәсенә шәһәр статусы бирелергә мөмкин

Кама Аланы башлыгы сүзләренчә, бары тик биредә яшәүчеләр ризалыгы белән генә бистә шәһәр статусы алырга мөмкин.

“Сөембикә” операсының авторлары спектакльдә хатын-кыз язмышын сурәтләүләрен әйтәләр

“Сөембикә” операсы премьерасы Муса Җәлил исемендәге Татар дәүләт опера һәм балет театрында ике көн - 26 һәм 27 сентябрьдә күрсәтеләчәк.