Сәясәт, Җәмгыять

Төркиядәге сайлауларның беренче нәтиҗәләре ачыкланды

Хәзергә хакимияттәге партия һәм Рәҗәп Тайип Эрдоган иң күп тавыш җыйган.
24.06 19:23

(Истанбул, 24 июнь, “Татар-информ”, Рушания Алтай). Бүген Төркиядә үткән вакытыннан алда президент һәм парламент сайлауларының беренче нәтиҗәләре буенча хакимияттәге партия - Гаделлек һәм үсеш фиркасе 52,3 процент тавыш җыеп алдынгылыкны биләп тора. Аның көндәше Җөмһурият халык партиясе 15,4 процент тавыш белән - икенче урында. Миллиятче хәрәкәт партиясе 13,1 процент тавыш белән өченчелеккә ия. Төркиянең яңа сәяси фиркасе Ийи партия - 8,5, көртләрнең Халык демократик партиясе - 7,4, башка фиркаләр 2,4 процент тавыш җыйган.

Президентлык өчен кандидатлар арасында хәзерге илбашы Рәҗәп Тайип Эрдоган 58,1 процент белән беренче булып тора. Аның төп көндәше Мөхәррәм Инҗи 27,5, Мераль Акшәнәр – 7,5, Сәләхеддин Демирташ – 1,6, Тәмәл Карамоллоаоглу - 0,9, Догу Перинчәк – 0,2 процент тавыш җыйганнар.

Бу турыдагы мәгълүматлар чит ил журналистлары өчен махсус оештырылган сайлау күзәтү мәркәзендә Анадолу мәгълүмат агентлыгы тарафыннан бирелде.
Тавышларны санау дәвам итә. Төп нәтиҗәләр төнге яки иртәгә иртәнге сәгатьләрдә белдереләчәк.


 

КӨН ҮЗӘГЕНДӘ

Президент Татарстан белән "ЛУКОЙЛ"ның товар әйләнеше 50 миллиард сумга җитүен белдерде

Рөстәм Миңнеханов Казан Кремлендә "ЛУКОЙЛ" гамәви акционерлык җәмгыяте президенты Ваһит Алекперов белән очрашты.

Р.Миңнеханов Коррупциягә каршы көрәш буенча эшне җайга салу комиссиясе утырышын уздырды

Утырышта билгеләп үтелгәнчә, коррупциягә каршы җәмәгатьчелек фикерен формалаштыруга, гражданнарның хокукый аңын үстерүгә юнәлгән эшне оештыру кирәк.

Минтимер Шәймиев: Кешеләрне сөендереп, яшьләргә үрнәк булырлык матур эшләр эшләнә

"ЛУКОЙЛ" ширкәте оештыра торган бәйгедә 146 проект җиңүгә лаек, дип табылды.

Кама Аланы бистәсенә шәһәр статусы бирелергә мөмкин

Кама Аланы башлыгы сүзләренчә, бары тик биредә яшәүчеләр ризалыгы белән генә бистә шәһәр статусы алырга мөмкин.

“Сөембикә” операсының авторлары спектакльдә хатын-кыз язмышын сурәтләүләрен әйтәләр

“Сөембикә” операсы премьерасы Муса Җәлил исемендәге Татар дәүләт опера һәм балет театрында ике көн - 26 һәм 27 сентябрьдә күрсәтеләчәк.