Сәясәт, Җәмгыять

Кичәге сайлаулар нәтиҗәсе буенча Төркия парламентына биш партия керде

Төркиянең Югары Сайлау Комитеты (Yüksek Seçim Kurulu) алдагы көннәрдә рәсми нәтиҗәләрне ачыклаячак.
25.06 15:50

(Истанбул, 25 июнь, “Татар-информ”, Рушания Алтай). Кичә Төркиядә вакытыннан алда парламент һәм президент сайлаулары үтте. Төркия сәясәте тарихында партияләр беренче тапкыр сайлауларга иттифак корып керде. Хакимияттәге фирка – Гаделлек һәм үсеш партиясе белән аның теләктәше Миллиятче халык партиясе - “Җөмһүр” иттифагын, оппозициядәге Җөмһүрият халык партиясе, Сәгадәт партиясе һәм ИЙИ партиясе “Милләт” иттифагын тәшкил итәләр. Рәсми булмаган нәтиҗәләр буенча “Җөмһүр” иттифагы - 26 миллион 626 мең 445 тавыш (53,63%), “Милләт” иттифагы 16 миллион 900 мең 181 тавыш җыйган. Бу турыда Анадолу агентлыгы хәбәр итә.

Парламентка сайлауларда Эрдоган җитәкчелегендәге Гаделлек һәм үсеш партиясе – 42,54, Җөмһүрият халык партиясе – 22,64, Халык демократик партиясе – 11,69, Миллилиятче хәрәкәт партиясе – 11,11, ИЙИ партиясе – 9,97, Сәгадәт партиясе – 1,35, Худа Пар партиясе – 0,32, Ватана партиясе 0,24 процент тавыш алган. Төркиядә 1999 елдан соң беренче тапкыр парламентка 5 сәяси партия керде. Бөек Милләт Мәҗлесенә Гаделлек һәм үсеш партиясеннән - 293, Җөмһүрият халык партиясеннән - 146, көрдләрнең Халык демократик партиясеннән - 67, Миллиятче халык партиясеннән - 50 һәм ИЙИ партиясеннән 44 депутат сайланды. ХҮДА ПАР һәм Ватан партияләре парлемантка үтә алмады.

  • Президентлык сайлавының рәсми булмаган нәтиҗәләре буенча иң күп тавышны 52,58% буларак Төркиянең хәзерге президенты Рәҗәп Тайип Эрдоган җыйган. Аның көндәше Мөхәррәм Инҗи – 30, 64, көрд лидеры Сәлахеддин Демирташ – 8, 39, бердәнбер хатын-кыз кандидаты һәм сәяси фирка җитәкчесе Мераль Акшәнәр – 7, 30, Тәмәл Карамоллаоглу -0,89, Догу Перинчәк 0,29 процент тавышка ия. Оппозиция лидеры Мөхәррәм Инҗигә илнең иң зур шәһәрләре арасында иң күп тавыш Измирдә бирелгән. Ул анда- 53, 3, Р.Т.Эрдоган исә 32,5 процент тавыш алган. Башкала халкының 51,1 проценты тавышларын Р.Т.Эрдоганга биргән. Инҗи анкаралыларның 35,9 процент тавышына ия. Истанбул сайлаучыларының 49,6 проценты Эрдоганга тавыш бирсә, 36,6 проценты Инҗине яклаган.
  • Тулаем алганда, Төркиянең Тракия, Мәрмәр һәм Эгәй диңгезе яры буендагы район халыкларынның күпчелеге оппозициядәге партия вәкиле Мөхәррәм Инҗигә күбрәк тавыш биргәннәр. Кыркларэлиндә Инҗи - 58,44, Эрдоган – 29, 84, Әдернә шәһәрендә Инҗи - 55,64, Эрдоган - 31,4, Тәкирдагда Инҗи - 47,2, Эрдоган - 40,31, Чанаккалә каласында Инҗи - 43,79, Эрдоган -41,93, Айдында Инҗи - 44,23, Эрдоган – 37,97, Муглада Инҗи - 52,6, Эрдоган 32,14 процент тавыш алганнар.

Төркиянең көрд һәп гарәпләр күпләп яши торган көньяк-көнчыгыш һәм көнчыгыш Анадолу районнарында иң күп тавыш Сәлахеддин Дәмирташка бирелгән. Нәтиҗәләр күрсәткәнчә, Агрыда Демирташның - 61,28, Эрдоганның -31,75, Батманда Демирташ - 62,59, Эрдоган - 31,44, Ванда Демирташ – 58,36, Эрдоган - 35,44, Диярбакырда Демирташ - 64,34, Эрдоган - 27,39, Мардинда Демирташ - 58,71, Эрдоган – 34,41, Мушта Демирташ - 53,27, Эрдоган - 38,44, Сиирттә Демирташ - 49,23, Эрдоган - 42,8, Хаккярида Демирташ – 70, 82, Эрдоган - 22,79, Шырнакта Демирташ - 72,06, Эрдоган - 21,21, Ыгдырда Демирташның – 45,11, Эрдоганның 30,02 процент тавыш җыйганнары аңлашыла. Көнчыгыш Анадолу төбәгенең Тунҗәли районында исә Мөхәррәм Инҗигә - 58,08, Сәлахеддин Демирташка – 21,14, Рәҗәп Тайип Эрдоганга 18,67 процент тавыш бирелгән.

Төркиянең Югары Сайлау Комитеты (Yüksek Seçim Kurulu) алдагы көннәрдә рәсми нәтиҗәләрне ачыклаячак.

  • Кичә Төркия министрлар кабинеты тарафыннан Анкара, Истанбул һәм Диярбакыр шәһәрләрендә чит ил җурналистлары өчен Сайлауларны күзәтү мәркәзе оештырылды. Анда 34 илдән 635 журналист катнашты, шул исәптән “Татар-информ” мәгълүмат агентлыгының Төркиядәге үз хәбәрчесе дә әлеге мәркәздә вакыйгаларны якыннан күзәтте.

 

КӨН ҮЗӘГЕНДӘ

Президент Татарстан белән "ЛУКОЙЛ"ның товар әйләнеше 50 миллиард сумга җитүен белдерде

Рөстәм Миңнеханов Казан Кремлендә "ЛУКОЙЛ" гамәви акционерлык җәмгыяте президенты Ваһит Алекперов белән очрашты.

Р.Миңнеханов Коррупциягә каршы көрәш буенча эшне җайга салу комиссиясе утырышын уздырды

Утырышта билгеләп үтелгәнчә, коррупциягә каршы җәмәгатьчелек фикерен формалаштыруга, гражданнарның хокукый аңын үстерүгә юнәлгән эшне оештыру кирәк.

Кама Аланы бистәсенә шәһәр статусы бирелергә мөмкин

Кама Аланы башлыгы сүзләренчә, бары тик биредә яшәүчеләр ризалыгы белән генә бистә шәһәр статусы алырга мөмкин.

“Сөембикә” операсының авторлары спектакльдә хатын-кыз язмышын сурәтләүләрен әйтәләр

“Сөембикә” операсы премьерасы Муса Җәлил исемендәге Татар дәүләт опера һәм балет театрында ике көн - 26 һәм 27 сентябрьдә күрсәтеләчәк.

Табигый газ ягучы техникаларның халыкара йөреше Бөгелмә аша узды

Техника колоннасы Баулы, Бөгелмә, Әлмәт аша уза, аннары Алексеевскига һәм Казанга юнәләчәк.