Икътисад, Рәсми Татарстан

Татарстан Президенты Көньяк Корея белән хезмәттәшлек итүнең потенциалы зур булуын белдерде

Рөстәм Миңнеханов Корея Республикасының Россиядәге илчесе У Юн Гын белән очрашты.
27.06 20:34

(Казан, 27 июнь, “Татар-информ”). Татарстан Президенты Рөстәм Миңнеханов бүген Корея Республикасының Россиядәге илчесе У Юн Гын белән очрашуда ике республиканың хезмәттәшлеге потенциалы зур булуын белдерде. Очрашу Kazan-Arena стадионында Германия белән Көньяк Корея җыелма командалары матчы башланганчы узды. Бу хакта республика башлыгы матбугат хезмәте хәбәр итә.

Рөстәм Миңнеханов Татарстанның Көньяк Корея партнерлары белән хезмәттәшлек тәҗрибәсе турында искәртте. Шул исәптән ул нефть химиясе һәм нефть эшкәртү, мәгълүмат-коммуникация өлкәсе һәм сәламәтлек саклау юнәлешләре буенча элемтәләрне билгеләп үтте.

“Потенциал зур, бездә хезмәттәшлекне киңәйтү өчен барлык мөмкинлекләр дә бар”, - диде Татарстан Президенты.

У Юн Гын 2018 елгы Дөнья чемпионатының югары дәрәҗәдә оештырылуын һәм Казанда кунакларны ачык йөз белән каршы алуларын билгеләп үтте.

 

КӨН ҮЗӘГЕНДӘ

Рөстәм Миңнеханов район башлыкларына коммуналь техника ачкычлары тапшырды

Республиканың 25 муниципаль районына автогрейдер, төягеч һәм башка махсус техника тапшырдылар.

“Ак Барс” Казанда “Сибирь” командасын җиңде

26 сентябрьдә “Ак Барс” Кытай командасы “Куньлунь Ред Стар” белән “Татнефть-Арена” бозында көч сынашачак.

Казанда ат спорты буенча Татарстан Кубогы тәмамланды

Ярышларда барлыгы 34 команда катнашты.

24 сентябрьнең төп вакыйгалары - фото һәм сылтамалар

Татарстан Президенты Дәүләт Советына еллык Юллама белән чыкты, 2019 ел Татарстанда Эшче һөнәрләре елы булачак, Казанга Үзбәкстан театры килде.

Татарстан районнарының иң яхшы якташлыклары бүләкләнде

Быел беренче урынга Буа районы якташлык җәмгыяте лаек булды.