Рәсми Татарстан

Герхард Шредерга Казан Кремле буенча экскурсия оештырылды

Германиянең элеккеге канцлеры республикадагы уңай үзгәрешләргә игътибарны юнәлтте.
27.06 20:47

(Казан, 27 июнь, “Татар-информ”). Татарстан Президенты Рөстәм Миңнеханов Германиянең элеккеге канцлеры һәм “Роснефть” компаниясе Директорлар советы рәисе Герхард Шредер белән очрашты. Бу хакта республика башлыгы матбугат хезмәте хәбәр итә.

Дәрәҗәле кунак өчен Казан Кремле буенча экскурсия оештырылды. Татарстан Президенты аңа Губернатор сарае янындагы карау мәйданчыгыннан “Kazan-Arena” стадионын һәм башка спорт объектларын күрсәтте.

Аннары Губернатор сараеның Камин залында узган фикер алышуда Рөстәм Миңнеханов белән Герхард Шредердан тыш, Татарстан Премьер-министры Алексей Песошин, “Газпром трансгаз Казан” ҖЧҖ генераль директоры Рәфкать Кантюков һәм “КАМАЗ” ГАҖ генераль директоры Сергей Когогин катнашты.

Шредер Татарстанның беренче президентына, хәзер Татарстан Дәүләт Киңәшчесе Минтимер Шәймиевка матур теләкләрен тапшырды һәм Казан Кремленең мактаулы кунаклары китабына язды. Аерым алганда, ул республикадагы уңай үзгәрешләрне билгеләп үтте.

КӨН ҮЗӘГЕНДӘ

Рөстәм Миңнеханов район башлыкларына коммуналь техника ачкычлары тапшырды

Республиканың 25 муниципаль районына автогрейдер, төягеч һәм башка махсус техника тапшырдылар.

“Ак Барс” Казанда “Сибирь” командасын җиңде

26 сентябрьдә “Ак Барс” Кытай командасы “Куньлунь Ред Стар” белән “Татнефть-Арена” бозында көч сынашачак.

Казанда ат спорты буенча Татарстан Кубогы тәмамланды

Ярышларда барлыгы 34 команда катнашты.

24 сентябрьнең төп вакыйгалары - фото һәм сылтамалар

Татарстан Президенты Дәүләт Советына еллык Юллама белән чыкты, 2019 ел Татарстанда Эшче һөнәрләре елы булачак, Казанга Үзбәкстан театры килде.

Татарстан районнарының иң яхшы якташлыклары бүләкләнде

Быел беренче урынга Буа районы якташлык җәмгыяте лаек булды.