Рәсми Татарстан, Авыл

Сөт продукциясенең чын составын смартфон аша ачыклый торган сылтама тәкъдим ителде

Рөстәм Миңнехановка сөт продукциясе турында QR код аша мәгълүмат алу турында сөйләделәр.
28.06 14:21

(Лаеш, 28 июнь, "Татар-информ", Гөлнар Гарифуллина). Бүген Татарстан Республикасы Президенты Рөстәм Миңнехановка сөт продукциясе турында QR код аша мәгълүмат алу турында сөйләделәр. Смартфон аша пакеттагы сөт составын ачыклап булачак.  Биектау районының "Касымов" сөт комбинаты "Бәрәкәтле" бренды белән чыгара торган сөт продукциясе бүген Лаешта "Татарстанда кыр көне-2018" агротехник күргәзмәсендә тәкъдим ителгән иде.

Моны авыл хуҗалыгы тармагында цифрлы трансформациянең бер мисалы дияргә була. QR кодны смартфон камерасы аша "укып", продукция турында тулы мәгълүмат килеп чыга. Шушы иннновацияне кертүче "Агроинновации" ширкәте вәкилләре әйтүенчә, сөт продукциясе җитештерелү нечкәлекләре турында тулы "тарих"ны белеп була. "Төргәге, завод фотосы; продукциянең кайсы нәселле, күпме сыердан алынганы; җитештерелгән, савылган, эшкәртелгән, озатылган вакыты куелган. Бу - коры сөт түгел, табигый продукт. Без азык- төлек куркынычсызлыгын кайгыртабыз, ә ул иң беренче чиратта балаларга кагыла, чөнки балалар сөт эчә. Башта сынау рәвешендә иде, хәзер производствога кертеп җибәрәбез", - дип белдерде компания вәкиле.

Ул бу сөтне җитештерүдә Саба, Арча, Әтнә районнары катнашканын әйтте. "Безнең бурыч - кешеләрнең "коры" сөт эчмәве", - диде.

Ширкәт вәкилләре Рөстәм Миңнехановтан, продукцияне сурәткә төшереп, Инстаграмга куюны сорадылар. Президент, монда Интернет начар тота, дисә дә, егетләргә каршы килмәде. Вәкилләр санаулы секундлар эчендә шулай ук Рөстәм Миңнеханов һәм Минтимер Шәймиев белән дә фотога төшәргә өлгерделәр.

 

КӨН ҮЗӘГЕНДӘ

18 июльнең төп вакыйгалары - фото һәм сылтамалар

Рөстәм Миңнеханов бюджет акчасын нәтиҗәле файдалануны таләп итте, Изге Болгар җыенына бару өчен һәрбер мөхтәсибәткә автобус биреләчәк.

Рөстәм Миңнеханов Вьетнамның Тулы вәкаләтле илчесе белән хезмәттәшлек турында сөйләште

"Татарстан Россия-Вьетнам мөнәсәбәтләре кысаларында Вьетнам белән хезмәттәшлекне үстерүгә аеруча игътибар итә", - диде президент.

Рөстәм Миңнеханов бюджет акчасын нәтиҗәле файдалануны таләп итте

Татарстан Президенты бюджет баланслы булсын өчен, депутат корпусы белән тыгыз эш барырга тиешлеген җиткерде.

Татарлар беренче тапкыр Канадада "Nuestroamericana-2018" дуслык парадында катнаша

"Nuestroamericana" фестивале Монреальдә быел сигезенче тапкыр үтә.

Илшат Сәетов татар кешесе мәдәни проектларга акча бирергә өйрәнәчәк дип саный

Зуля Камалованың татарча альбомына краудфандинг юлы белән акча җыяр өчен бер атна вакыт калды.