Авыл

Петербург заводы Татарстанга тракторлар өчен бүлеп түләү кертергә җыена

Бүген Лаешта "Татарстанда кыр көне-2018" Идел буе агротехник күргәзмәсендә Рөстәм Миңнеханов завод эшләп чыгара торган "Кировец" тракторларын карады.
28.06 17:14

(Лаеш, 28 июнь, “Татар-информ”, Гөлнар Гарифуллина). Петербург заводы Татарстанга тракторларны башта ярты бәясен генә түләттереп җибәрә башларга мөмкин. Хәзер завод белән бу хакта сөйләшүләр алып барыла.

  • Бүген Лаеш районында "Татарстанда кыр көне-2018" Идел буе агротехник күргәзмәсендә Татарстан Президенты Рөстәм Миңнеханов завод эшләп чыгара торган "Кировец" тракторларын карады.

Завод вәкилләре Татарстан Президенты белән очрашты. Заводның төбәкләр үсеше буенча идарәчесе Максим Ляхов журналистларга әйтүенчә, 50:50 программасы буенча сөйләшүләр алып барыла.

“Тракторларны, башта ярты бәясен генә түләп, җибәрү турында тәкъдим булды. Әле бу программа эшләнә генә, июль азагында нәтиҗәсе булыр дип уйлыйм. Былтыр техника белән тәэмин итү буенча 50:50, 60:40 республика программалары гамәлдә иде. Быел бу программалар эшләми. Вариант буларак, без альтернатива уйлап таптык. Быел тракторларны 50 процент бәядән җибәрмәкче булабыз, киләсе елда программа яңадан торгызылгач, республика завод белән хисаплашып бетерәчәк, ягъни калган яртысын түләячәк”, - дип белдерде Ляхов.

Ул әлегә Татарстан өчен күпме трактор җитештереләчәген тәгаен әйтмәде. Егәрлегенә карап, 5,1 млн сум, 6, 5, 7,5 млн сумлык тракторлар да бар.

КӨН ҮЗӘГЕНДӘ

Рөстәм Миңнеханов район башлыкларына коммуналь техника ачкычлары тапшырды

Республиканың 25 муниципаль районына автогрейдер, төягеч һәм башка махсус техника тапшырдылар.

“Ак Барс” Казанда “Сибирь” командасын җиңде

26 сентябрьдә “Ак Барс” Кытай командасы “Куньлунь Ред Стар” белән “Татнефть-Арена” бозында көч сынашачак.

Казанда ат спорты буенча Татарстан Кубогы тәмамланды

Ярышларда барлыгы 34 команда катнашты.

24 сентябрьнең төп вакыйгалары - фото һәм сылтамалар

Татарстан Президенты Дәүләт Советына еллык Юллама белән чыкты, 2019 ел Татарстанда Эшче һөнәрләре елы булачак, Казанга Үзбәкстан театры килде.

Татарстан районнарының иң яхшы якташлыклары бүләкләнде

Быел беренче урынга Буа районы якташлык җәмгыяте лаек булды.