Рәсми Татарстан

6 июльдә Казанга Төркмәнстан Президенты килә

Гурбангулы Бердымөхәммәдовка борынгы Болгар каласы һәм Зөя утрау-шәһәрлеген торгызуга бәйле проектларны тәкъдим итәчәкләр.
29.06 12:44

(Казан, 29 июнь, «Татар-информ»). 6 июльдә Казанга Төркмәнстан Президенты Гурбангулы Бердымөхәммәдов килә. Бу хакта «Татар-информ» агентлыгына ТР Хөкүмәтендәге чыганак хәбәр итте.

Төркмәнстан лидерының сәфәр программасы нигезендә, аны «Казан» аэропортында Татарстан Президенты Рөстәм Миңнеханов каршы алачак. Шуннан соң алар Казан Кремлендә очрашу үткәрәчәк.

Аннары ТР Дәүләт Киңәшчесе Минтимер Шәймиев кунакка борынгы Болгар каласы һәм Зөя утрау-шәһәрлеген торгызу, шулай ук Болгар ислам академиясен төзүгә бәйле проектларны тәкъдим итәчәк.

Кичен Татарстан Президентының Казан Кремлендәге резиденциясендә Рөстәм Миңнеханов исеменнән Гурбангулы Бердымөхәммәдов хөрмәтенә тантаналы кабул итү оештырылачак.
 

КӨН ҮЗӘГЕНДӘ

Рөстәм Миңнеханов район башлыкларына коммуналь техника ачкычлары тапшырды

Республиканың 25 муниципаль районына автогрейдер, төягеч һәм башка махсус техника тапшырдылар.

“Ак Барс” Казанда “Сибирь” командасын җиңде

26 сентябрьдә “Ак Барс” Кытай командасы “Куньлунь Ред Стар” белән “Татнефть-Арена” бозында көч сынашачак.

Казанда ат спорты буенча Татарстан Кубогы тәмамланды

Ярышларда барлыгы 34 команда катнашты.

24 сентябрьнең төп вакыйгалары - фото һәм сылтамалар

Татарстан Президенты Дәүләт Советына еллык Юллама белән чыкты, 2019 ел Татарстанда Эшче һөнәрләре елы булачак, Казанга Үзбәкстан театры килде.

Татарстан районнарының иң яхшы якташлыклары бүләкләнде

Быел беренче урынга Буа районы якташлык җәмгыяте лаек булды.