Сәясәт

Игорь Носов Түбән Новгород өлкәсе вице-губернаторы булачак

Игорь Носовның әнисе - Камал театры артисты Хәлимә Искәндәрова.
29.06 15:20

(Казан, 29 июнь, “Татар-информ”). “Иннополис” махсус икътисади зонасының генераль директоры Игорь Носов үз вазифасыннан китә. Ул Түбән Новгород өлкәсе вице-губернаторы булып эшләячәк. Бу хакта Татарстан Мәгълүматлаштыру һәм элемтә министрлыгы матбугат хезмәте хәбәр итә.

Игорь Носов Президент Администрациясе булачак губернаторлар өчен оештырган тренингтан узган Татарстанның дүрт түрәсе арасыннан икенче кеше булган. Носовтан тыш, РФ Президенты кадрлар резервына Татарстанның бизнес-омбудсмены Тимур Нагуманов, вице-премьер – мәгълүматлаштыру һәм элемтә министры Роман Шайхетдинов һәм Татарстанның элеккеге икътисад министры Артем Здунов (хәзер Дагыстан Премьер-министры) узган.

  • Игорь Носов Казанда туган. “Менеджмент” программасы буенча Кембридж университетын һәм  РФ Эчке эшләр министрлыгы “юриспруденция” белгечлеге буенча Юридик институт тәмамлаган. Колорадо штаты Университетында магистр дәрәҗәсен алган.
  • Philip Morris International компаниясенең Россия вәкиллегендә эшләгән, “Алабуга” МИЗ җитәкләгән, Мәскәүдә “МИЗ” ААҖ генераль директорының урынбасары вазифасын биләгән, ТР сәнәгать һәм сәүдә министрының беренче урынбасары һәм Мәскәү Фән, сәнәгый сәясәт һәм эшмәкәрлек департаменты җитәкчесе урынбасары булып эшләгән. 2013 елның мартыннан Носов “Иннополис” махсус икътисади зонасын җитәкләгән.
  • Игорь Носовның әнисе - Камал театры артисты Хәлимә Искәндәрова.

 

КӨН ҮЗӘГЕНДӘ

20 июльнең төп вакыйгалары - фото һәм сылтамалар

В.Путин пенсия яшен арттыруны ошатмый, Р.Миңнеханов Х.Биктиевны “Дуслык” ордены белән бүләкләде, В.Шәйхразиев кабат Милли Шура рәисе итеп сайланды.

Рөстәм Миңнеханов Путинга Универсиаданың спорт мирасын куллану турында сөйләде

Казан спорт объектлары чыгымнарының бер өлешен шәхси инвестицияләр каплый.

Рөстәм Миңнеханов Хәким Биктиевны “Дуслык” ордены белән бүләкләде

Казанда татар дин әһелләре форумында Калининградта мөселман җәмгыятенә нигез салучыга орден тапшырдылар.

Энгель Фәттахов Бөтендөнья татар конгрессының Милли Шурасы составыннан чыгарылды

Бөтендөнья татар конгрессының чираттан тыш съездында Э.Фәттахов урынына Мәгариф һәм фән министры Рафис Борһановны сайладылар.

Ринат Закиров Милли Шура рәисенең ни өчен кабат сайлануын аңлатты

Бөтендөнья татар конгрессы Башкарма комитеты рәисе әйтүенчә, уставта төгәлсезлекләр булган.