Сәясәт

Рөстәм Миңнеханов Көнбатыш Казахстан өлкәсе акимы белән уртак проектлар турында сөйләште

Аким Алтай Кульгинов Татарстан җитәкчесен Уральскига Сабан туена чакырды.
30.06 14:53

(Казан, 30 июнь, “Татар-информ”). Республика җитәкчесе Рөстәм Миңнеханов бүген Казахстан Республикасы Көнбатыш Казахстан өлкәсе делегациясе белән очрашты. Бу хакта Татарстан Республикасы Президенты матбугат хезмәте хәбәр итә.

Миңнеханов Казахстан төбәкләренең Татарстанга иң якыны Көнбатыш Казахстан өлкәсе һәм бу сәүдә-икътисади мөнәсәбәтләрне ныгыту мөмкинлеге бирә, диде.

Шулай ук республика җитәкчесе Казахстан Президенты Нурсолтан Назарбаевка Татарстан белән партнерлыкка аерым игътибар өчен рәхмәт белдерде.

Встреча Президента Республики Татарстан 
Р.Н. Минниханова 
с Акимом Западно-Казахстанской области (Казахстан) 
Кульгиновым Алтаем Сейдировичем

“Без тел, дин һәм гореф-гадәтләр буенча якын. Моннан тыш, Казахстан территориясендә татарлар диаспорасы яши. Болар барысы да безнең мөнәсәбәтләрне ныгыту мөмкинлеге”, - диде ул.

Көнбатыш Казахстан өлкәсе акимы Алтай Кульгинов делегация составына төбәкнең төп компанияләре җитәкчеләре булуын һәм мондый очрашулар сәүдә-икътисады һәм мәдәни элемтәләрне үстерүгә уңай йогынты ясаячак диде.

Очрашуда партнерлыкның туризм, азык-төлек һ.б. белән тәэмин итү кебек перспективалы юнәлешләрен билгеләделәр.

Встреча Президента Республики Татарстан 
Р.Н. Минниханова 
с Акимом Западно-Казахстанской области (Казахстан) 
Кульгиновым Алтаем Сейдировичем

Аким Алтай Кульгинов Татарстан җитәкчесен Уральскига Сабан туена чакырды һәм Татарстан белән Казахстан бизнес вәкилләре катнашында эшлекле форум үткәрергә тәкъдим итте.

“Сентябрьдә безнең делегация визитын планлаштырабыз. Болар безнең дәүләтләр мәнфәгате өчен эшләнелә”, - дип тәмамлады сүзен Рөстәм Миңнеханов.

 

КӨН ҮЗӘГЕНДӘ

Президент Татарстан белән "ЛУКОЙЛ"ның товар әйләнеше 50 миллиард сумга җитүен белдерде

Рөстәм Миңнеханов Казан Кремлендә "ЛУКОЙЛ" гамәви акционерлык җәмгыяте президенты Ваһит Алекперов белән очрашты.

Р.Миңнеханов Коррупциягә каршы көрәш буенча эшне җайга салу комиссиясе утырышын уздырды

Утырышта билгеләп үтелгәнчә, коррупциягә каршы җәмәгатьчелек фикерен формалаштыруга, гражданнарның хокукый аңын үстерүгә юнәлгән эшне оештыру кирәк.

Минтимер Шәймиев: Кешеләрне сөендереп, яшьләргә үрнәк булырлык матур эшләр эшләнә

"ЛУКОЙЛ" ширкәте оештыра торган бәйгедә 146 проект җиңүгә лаек, дип табылды.

Кама Аланы бистәсенә шәһәр статусы бирелергә мөмкин

Кама Аланы башлыгы сүзләренчә, бары тик биредә яшәүчеләр ризалыгы белән генә бистә шәһәр статусы алырга мөмкин.

“Сөембикә” операсының авторлары спектакльдә хатын-кыз язмышын сурәтләүләрен әйтәләр

“Сөембикә” операсы премьерасы Муса Җәлил исемендәге Татар дәүләт опера һәм балет театрында ике көн - 26 һәм 27 сентябрьдә күрсәтеләчәк.