Авыл

Аксакал механизатор Азнакай яшьләренең авылда калуын тели

Азнакай районында терлек азыгы әзерләү буенча киңәшмә узды.
01.07 06:00

(Азнакай, 1 июль, "Татар-информ", "Маяк", Энҗе Галәветдинова).  Азнакай районында “Таллы Бүләк” кооперативы базасында авыл хуҗалыгының актуаль мәсьәләләренең берсе булган терлек азыгы әзерләү буенча семинар-киңәшмә узды. Чарада район башлыгы, авыл хуҗалыгы идарәсе белгечләре, хуҗалык җитәкчеләре катнашты, дип яза җирле басма.

Семинарда катнашучылар хуҗалыкның сенаж базын да карадылар. Киләчеге өметле хуҗалыкның ныклы терәге, үз эшенә җаваплы караучы җитәкчесе Наил Мотыйгуллин һәм аның комнадасы биредә урнашкан ике траншеяны да дәүләт программасы ярдәме белән төзекләндерүгә ирешкәннәр.

Аяк астында – асфальт, тирә-юне дә ялт итеп тора. Кыскасы, сынатмый таллыбүләклеләр. Кайсы гына өлкәне алсаң да, районда алдынгылар рәтендә баралар.

– Бүгенге көнгә 2000 тонна сенаж сыешлы траншеяларның берсенә 1050 тонна сусыл үлән салынган. 100 тонна печән әзерләнгән. 500дән артык гектар мәйданда күпьеллыклар чабылган, – дип Наил Фоат улы хуҗалыкта барган эшләр турында сөйләде.

Хезмәтчәннәренә дә карап шаккатасың хуҗалыкның. 70 нче дистәсен ваклап килүче Фәһим Хәсәншин бүген дә тракторда эшли. Гомере буе туган як басуларына тама аның тир тамчысы. Үзе ул Октябрь Бүләктән.

 – Сәламәтлек булганда йөрергә әле. Мин кырлардан яшәү көчен алам. Аннан соң Наил Фоат улы булганда бар да гөрли хуҗалыкта. Килешеп эшлибез. Хезмәт хакын айныкын-айга алабыз. Барысы да канәгать. Яшьләр дә читтән эш эзләп йөрмәсеннәр, авылда калсыннар иде, – диде тәҗрибәле механизатор.

Киңәшмә барышында терлек азыгы әзерләү чорына куелган бурычлар белән авыл хуҗалыгы һәм азык-төлек идарәсе начальнигы Миргасим Усманов таныштырды. Ул көннәр явымсыз торганда терлек азыгын әзерләүне тизләтергә һәм технологияләрне үтәп эшләргә кирәклегенә басым ясады.

– Районда барлыгы 29 мең тонна сенаж, 3 мең тоннадан артык печән әзерләнгән. Бер шартлы терлеккә 5,3 кг азык берәмлеге туры килә, – диде ул.

Җитәкчеләр һәм белгечләр хуҗалыкта азык әзерләү белән генә танышып калмадылар, көн кадагындагы башка мәсьәләләр хакында да фикер алыштылар. Семинарга йомгак ясап, муниципаль район башлыгы Марсель Шәйдуллин кичекмәстән яфраказык һәм төрле дару үләннәре җыеп-әзерләү эшенә дә керешергә кирәк, диде.

КӨН ҮЗӘГЕНДӘ

Рөстәм Миңнеханов Татарстан Дәүләт Советына еллык юллама белән мөрәҗәгать итте

Салих Сәйдәшев исемендәге Зур Концертлар залында узган чарада Минтимер Шәймиев, Алексей Песошин, Татарстан депутатлары һәм башкалар катнашты.

Рөстәм Миңнеханов “КАМАЗ”ны Татарстанның бренды һәм горурлыгы дип атады

2019 елда "КАМАЗ" автогиганты 50 еллык юбилеен билгеләп узачак.

Буа театрының 37 көнлек Оренбург-Казахстан-Кавказ гастрольләре башланды

Театр унтугыз шәһәрдә алтмышка якын спектакль күрсәтәчәк.

2019 ел ТАССР төзелүнең 100 еллыгына әзерлекнең мөһим этабы булачак

Татарстан Президенты яшьләрне республика юбилеен бәйрәм итүгә актив җәлеп итәргә кушты.

Татарстан Президенты Җирле үзидарә органнары структурасы стандартын төзергә кушты

Рөстәм Миңнеханов фикеренчә, җирле үзидарә органнары эшенең нәтиҗәлелеген арттыру өчен, аларны яңа стандартлар буенча төзергә кирәк.