Сәясәт

Рөстәм Миңнеханов Мәскәүдә Россия авыл хуҗалыгы министры белән очрашты

Республика Президенты агросәнәгать комплексының өстенлекле юнәлешләрен – цифрлы технологияләрне тормышка ашыруны тәкъдим итте.
02.07 21:09

(Казан, 2 июль, “Татар-информ”). Бүген Мәскәүдә эшлекле сәфәр барышында көннең икенче яртысында Татарстан Президенты Рөстәм Миңнеханов Россия авыл хуҗалыгы министры Дмитрий Патрушев белән очрашты. Бу хакта Татарстан Президентының матбугат хезмәте хәбәр итә.

Очрашу барышында яклар республиканың авыл хуҗалыгы тармакларында эшнең торышы, урып-җыю эшләре һәм агросәнәгать комплексында инвестиция проектларын тормышка ашыру турында фикер алыштылар.

Патрушев төбәк тармагында уңай динамиканы билгеләп үтте һәм узган ел нәтиҗәләре буенча Россия күләмендә авыл хуҗалыгы продукциясен җитештерүдә Татарстанның өлеше 4,5 процентны тәшкил итүен әйтте.

Республика Президенты агросәнәгать комплексыны өстенлекле юнәлешләрен – цифрлы технологияләрне тормышка ашыруны тәкъдим итте. Шулай ук мониторинг һәм паспортизация хисабына кулланылмаган җирләрне авыл хуҗалыгы әйләнешенә кертүне арттыру планлаштырылуын әйтте.

Россия авыл хуҗалыгы башлыгы агросәнәгать комплексын үстерү һәм заманча технологияләрне тормышка ашыру буенча республика тәкъдимнәрен хуплады.
 

КӨН ҮЗӘГЕНДӘ

Президент Татарстан белән "ЛУКОЙЛ"ның товар әйләнеше 50 миллиард сумга җитүен белдерде

Рөстәм Миңнеханов Казан Кремлендә "ЛУКОЙЛ" гамәви акционерлык җәмгыяте президенты Ваһит Алекперов белән очрашты.

Р.Миңнеханов Коррупциягә каршы көрәш буенча эшне җайга салу комиссиясе утырышын уздырды

Утырышта билгеләп үтелгәнчә, коррупциягә каршы җәмәгатьчелек фикерен формалаштыруга, гражданнарның хокукый аңын үстерүгә юнәлгән эшне оештыру кирәк.

Минтимер Шәймиев: Кешеләрне сөендереп, яшьләргә үрнәк булырлык матур эшләр эшләнә

"ЛУКОЙЛ" ширкәте оештыра торган бәйгедә 146 проект җиңүгә лаек, дип табылды.

Кама Аланы бистәсенә шәһәр статусы бирелергә мөмкин

Кама Аланы башлыгы сүзләренчә, бары тик биредә яшәүчеләр ризалыгы белән генә бистә шәһәр статусы алырга мөмкин.

“Сөембикә” операсының авторлары спектакльдә хатын-кыз язмышын сурәтләүләрен әйтәләр

“Сөембикә” операсы премьерасы Муса Җәлил исемендәге Татар дәүләт опера һәм балет театрында ике көн - 26 һәм 27 сентябрьдә күрсәтеләчәк.