Сәясәт

Булат Хаҗиәхмәтов: FIFA чемпионаты Татарстанның инвестицион торышына зур йогынты ясый

Икътисад министры урынбасары Чемпионатның өстенлекле якларын атады.
03.07 16:48

(Казан, 3 июль, “Татар-информ”, Ләйлә Хәкимова). FIFA чемпионаты Татарстанның инвестицион торышына зур йогынты ясый. Бүген бу хакта IT-паркта – Чемпионатның шәһәр матбугат үзәгендә ТР икътисад министры урынбасары Булат Хаҗиәхмәтов әйтте. Үзенең чыгышында ул чемпионатның өстенлекле якларын да атады.

"Татарстан инвестицион климат рейтингында лидер, ул алдынгы рәтләрдә бара. Казанга чит илдән футбол җанатарлары гына түгел, дәүләт эшлеклеләре, рәсми затлар килә. Алар безнең үрнәктә тәҗрибә туйлый, эш барышын күзәтә. FIFA чемпионаты дөнья масштабында бик зур тәҗрибә булды. Чемпионат кысаларында Татарстан Республикасы өчен мөһим булган килешүләр каралды. Президентыбыз Рөстәм Миңнеханов Кытай, Төркия, Ираннан килгән делегация вәкилләре белән очрашты, шул рәвешле хезмәттәшлекне ныгытабыз. Безнең республика барлык сөйләшүләр өчен дә ачык", - дип билгеләп узды ул үзенең чыгышында.

Булат Хаҗиәхмәтов Татарстан Республикасы социаль-икътисадый үсешенең нәтиҗәләре турында да сөйләде. Аның фикеренчә, республикада сәнәгать сәясәтенә зур игътибар бирелә, инновацион җитештерү өлкәсенә ярдәм итү буенча төрле программалар эшли. "Татарстан барлык өлкәдә дә уңышлы эшли. Соңгы елда инвестицияләр үсте. Республикабыз өч кластерда үсә: нефть химиясе, автомобиль сәнәгате һәм "Иннополис". Якорьлы предприятиеләр дә бик нык ярдәм итә. Алар арасында “Татнефть” ААҖ нефть химиясе комплексы, "Танеко" ААҖ, "КАМАЗ" ААҖ, "Нижнекамскнефтехим” ААҖ, "Форд-Соллерс" ААҖ, “Алабуга” МИЗны атап китәргә була", - диде ул.

Булат Хаҗиәхмәтов Казанда 2019 елда WorldSkills чемпионаты узачагын искә алды. "WorldSkills эшче һөнәрләренең Дөнья чемпионаты да мондый масштабта булыр, республика өчен яңа мөмкинлекләр тудырыр", - диде ул.

КӨН ҮЗӘГЕНДӘ

Президент Татарстан белән "ЛУКОЙЛ"ның товар әйләнеше 50 миллиард сумга җитүен белдерде

Рөстәм Миңнеханов Казан Кремлендә "ЛУКОЙЛ" гамәви акционерлык җәмгыяте президенты Ваһит Алекперов белән очрашты.

Р.Миңнеханов Коррупциягә каршы көрәш буенча эшне җайга салу комиссиясе утырышын уздырды

Утырышта билгеләп үтелгәнчә, коррупциягә каршы җәмәгатьчелек фикерен формалаштыруга, гражданнарның хокукый аңын үстерүгә юнәлгән эшне оештыру кирәк.

Минтимер Шәймиев: Кешеләрне сөендереп, яшьләргә үрнәк булырлык матур эшләр эшләнә

"ЛУКОЙЛ" ширкәте оештыра торган бәйгедә 146 проект җиңүгә лаек, дип табылды.

Кама Аланы бистәсенә шәһәр статусы бирелергә мөмкин

Кама Аланы башлыгы сүзләренчә, бары тик биредә яшәүчеләр ризалыгы белән генә бистә шәһәр статусы алырга мөмкин.

“Сөембикә” операсының авторлары спектакльдә хатын-кыз язмышын сурәтләүләрен әйтәләр

“Сөембикә” операсы премьерасы Муса Җәлил исемендәге Татар дәүләт опера һәм балет театрында ике көн - 26 һәм 27 сентябрьдә күрсәтеләчәк.