Рәсми Татарстан

Р.Миңнеханов Ислам икътисады халыкара форумында катнашу өчен Казахстанга килде

Астанада Рөстәм Миңнеханов, Назарбаев университетында булып, иң яхшы студент проектлары һәм Бизнес-кампусның ИТ-үзәге эшчәнлеге белән танышачак.
03.07 18:57

(Казан, 3 июль, "Татар-информ"). Бүген кич Татарстан Республикасы Президенты Рөстәм Миңнеханов Казахстан Республикасы башкаласы Астана шәһәренә килде. Биредә ул Ислам икътисады халыкара форумында (Astana Finance Days Forum) катнашачак. Бу турыда Татарстан Президенты матбугат хезмәте хәбәр итте.

Эш сәфәре ике көн дәвам итәчәк, диелгән әлеге хәбәрдә.

Нурсолтан Назарбаев исемендәге Астана халыкара аэропортында Рөстәм Миңнехановны Казахстан Республикасы Премьер-министрының беренче урынбасары Әскәр Мамин, Казахстан Республикасының Россия Федерациясендәге Илчесе Имангали Тасмагамбәтов, Астана шәһәре Хакиме урынбасары Косман Айтмөхәмммәтов, Россия Федерациясенең Казахстан Республикасындагы Илчесе урынбасары Юрий Перепеченов һәм Татарстан Республикасының Казахстан Республикасындагы Тулы вәкаләтле вәкиле Денис Вәлиев каршы алган.

Иртәгә Рөстәм Миңнеханов Казахстан Республикасы Премьер-министры Бәхетҗан Сагынтаев белән очрашачак. Аннары Татарстан Республикасы Президенты ислам икътисады Астана халыкара форумын ачу тантанасында катнашачак.

Визит в Республику Казахстан

Шулай ук эш сәфәре кысаларында Рөстәм Миңнехановның Казахстан Республикасы хакимият вәкилләре белән очрашулары һәм эшлекле даирәләр белән сөйләшүләр алып баруы көтелә.

Астанада Рөстәм Миңнеханов, Назарбаев университетында булып, иң яхшы студент проектлары һәм Бизнес-кампусның ИТ-үзәге эшчәнлеге белән танышачак. Аннары «Казмедиа» телеүзәгендә «ТНВ» Татарстан телеканалы корпунктын ачу һәм Казахстан татар һәм башкортлары конгрессы активы белән очрашу планлаштырылган.

Икече көнне Татарстан Республикасы Президенты EXPO Конгресс-үзәгендә халыкара финанс үзәге проектлары күргәзмәсен караячак, анда Казахстан Президенты Нурсолтан Назарбаев катнашында «Астана» халыкара финанс үзәген тәкъдир итү тантанасы узачак, диелгән әлеге хәбәрдә.

КӨН ҮЗӘГЕНДӘ

19 июльнең төп вакыйгалары - фото һәм сылтамалар

КФУда милли белем бирү системасына педагогик кадрлар əзерлəү буенча биш юнəлеш ачылды, Татарстан Президенты ВТБ банкы рәисе урынбасары белән очрашты.

Салават Фәтхетдинов иң зур сабан туе Казанда узып, татарлар бирегә җыелырга тиеш дип саный

Җырчы үзенең 30нчы концерт сезонына багышланган матбугат конференциясендә сабантуйларга булган мөнәсәбәтен җиткерде.

Рөстәм Миңнеханов: Иртәме-соңмы үзмәшгульлек системасын гадиләштерергә кирәк

Хөкүмәт өчен үз эшләре белән шөгыльләнүчеләрдән бюджетка салым кертүгә караганда системаны гадиләштерү мөһимрәк, диде Татарстан Президенты.

Татарстан Президенты ВТБ банкы рәисе урынбасары белән очрашты

Татарстандагы ВТБ банкының кредит портфеле 2018 елның беренче яртыеллыгы нәтиҗәләре буенча МСБ сегментында 33 миллиард сумга җиткән.

Татар дин әһелләре форумы делегатларына әзерләнгән концертны “Татар-информ” онлайн күрсәтә

Муса Җәлил исемендәге Татар дәүләт опера һәм балет театрында Татарстан Республикасы Дәүләт фольклор ансамбле концерты бара.