Сәясәт

Гыйльметдинов: Президент советы 13 июльдә тел мәсьәләсен тикшерми

Татарстаннан Дәүләт Думасы депутаты тел турындагы бәхәсле закон проектының якындагы язмышы турында сөйләде.
03.07 21:11

(Казан, 3 июль, “Татар-информ”). Россия Президенты карамагындагы Милләтара багланышлар буенча совет президиумының киләсе утырышында тел турындагы бәхәсле закон проекты буенча фикер алышу булмаячак. Төзәтүләр кертелгәннән соң, якындагы атналарда документ Россия парламентына карауга  җибәреләчәк. Бу хакта “Татар-информ”га Россия Федерациясе Дәүләт Думасының Милләтләр эше буенча комитет рәисе, Татарстаннан Дәүләт Думасы депутаты Илдар Гыйльметдинов сөйләде.

Президент советы телләр турындагы бәхәсле проект буенча фикер алышуга нокта куярга җыена дигән хәбәрләргә карата депутат үз җавабын бирде.

“Бу ялган мәгълүмат. Бәлки, кайбер массакүләм мәгълүмат чаралары шулай итеп үзләренә игътибар җәлеп итәргә телидер. Аларның халыкка дөрес мәгълүмат бирмәве бик кызганыч. Милләтара багланышлар буенча Президент советы президиумы бар, һәм  13 июльдәге утырышта агымдагы мәсьәләләр каралачак”, - дип сөйләде журналистларга Гыйльметдинов.

Депутат көн тәртибендәге пунктларны әйтте. Анда милләтара багланышларны ныгытуга керткән өлеш өчен Россия Президенты премиясенә тәкъдим итү, стратегиягә төзәтмәләр кертү, совет составын үзгәртү һәм башкалар бар.

“Телләр белән бәйле бернинди мәсьәлә юк. Әлеге закон проекты Дәүләт Думасының Мәгариф буенча комитет компетенциясендә тора. Хәзерге вакытта аңа төзәтмәләр әзерләнә. Якынча 20-21 июльдә документны Мәгариф буенча комитет караячак һәм ул утырышка чыгарылачак”, - диде парламентарий.

Язгы сессия 27 июльдә тәмамланганга кадәр, үзгәртелгән документ Дәүләт Думасы тарафыннан кабул ителәчәк, диде ул өстәп.

“Кайбер массакүләм мәгълүмат чаралары әлеге мәсьәләне ахыргача ачыклап бетермичә, шулай итеп үзләренә игътибарны җәлеп итәргә уйлый”, - дип йомгаклады Илдар Гыйльметдинов.

КӨН ҮЗӘГЕНДӘ

Президент Татарстан белән "ЛУКОЙЛ"ның товар әйләнеше 50 миллиард сумга җитүен белдерде

Рөстәм Миңнеханов Казан Кремлендә "ЛУКОЙЛ" гамәви акционерлык җәмгыяте президенты Ваһит Алекперов белән очрашты.

Р.Миңнеханов Коррупциягә каршы көрәш буенча эшне җайга салу комиссиясе утырышын уздырды

Утырышта билгеләп үтелгәнчә, коррупциягә каршы җәмәгатьчелек фикерен формалаштыруга, гражданнарның хокукый аңын үстерүгә юнәлгән эшне оештыру кирәк.

Кама Аланы бистәсенә шәһәр статусы бирелергә мөмкин

Кама Аланы башлыгы сүзләренчә, бары тик биредә яшәүчеләр ризалыгы белән генә бистә шәһәр статусы алырга мөмкин.

“Сөембикә” операсының авторлары спектакльдә хатын-кыз язмышын сурәтләүләрен әйтәләр

“Сөембикә” операсы премьерасы Муса Җәлил исемендәге Татар дәүләт опера һәм балет театрында ике көн - 26 һәм 27 сентябрьдә күрсәтеләчәк.

Табигый газ ягучы техникаларның халыкара йөреше Бөгелмә аша узды

Техника колоннасы Баулы, Бөгелмә, Әлмәт аша уза, аннары Алексеевскига һәм Казанга юнәләчәк.