Татар дөньясы, Фән һәм мәгариф

Ә.Закирҗанов Филология институтына Лев Толстой исеме бирелү белән риза түгел

Тел, әдәбият һәм сәнгать институты бүлек мөдире КФУ да татар теле, татар әдәбиятына өйрәтә торган махсус институт булырга тиеш дип саный.
04.07 08:51

(Казан, 4 июль, “Татар-информ”, Гөлнар Гарифуллина). Татарстан Республикасы Фәннәр академиясенең Г.Ибраһимов исемендәге Тел, әдәбият һәм сәнгать институтының әдәбият белеме бүлеге мөдире Әлфәт Закирҗанов КФУ да татар теле, татар әдәбиятына өйрәтә торган махсус институт булырга тиеш дип саный. Ул “Татар-информ” хәбәрчесенә КФУның Филология һәм мәдәниятара багланышлар институтына Лев Толстой исеме бирелү белән бик үк риза булмавын әйтте.

“Бер борчуымны әйтеп үтәсем килә. Казан федераль университетының Филология институтына Лев Толстой исеме бирелү белән шәхсән үзем бик үк килешеп бетмим. Әгәр дөньяның кайсы гына почмагындагы кешегә, Лев Толстой исемендәге институт дигәнне әйтсәң, димәк, бар кеше дә Лев Толстойның рус әдәбиятының күренекле вәкиле икәнен белгәнгә күрә, әлеге институтны рус филологиясе дип кабул итәчәк. Ә аның эчендә татар филологиясе булуы турында башына да китермәячәк, татар филологиясе бар дисәң, гаҗәпсенү уятачак. Шул рәвешле, Лев Толстой исеме ачыктан-ачык татар әдәбиятының рус филологясе институты эчендә бер бүлек кенә булуын сиздереп тора дип саныйм мин. Һәрхәлдә, КФУда татар теле, татар әдәбиятын өйрәтә торган махсус институт булырга тиеш иде бит. Милләтнең теленә, әдәбиятына өйрәтә торган махсус статуслы институт яки факультет дәрәҗәсенә лаек бит Татарстан. Моның белән без үзебезнең телебезне, әдәбиятыбызны, тарихыбызны бер баскычка түбәнсетәбез. Аның бүлек дәрәҗәсендә генә калуы белән килешергә ярамый дип саныйм мин”, - дип билгеләп узды Әлфәт Закирҗанов.

 

КӨН ҮЗӘГЕНДӘ

Рөстәм Миңнеханов район башлыкларына коммуналь техника ачкычлары тапшырды

Республиканың 25 муниципаль районына автогрейдер, төягеч һәм башка махсус техника тапшырдылар.

“Ак Барс” Казанда “Сибирь” командасын җиңде

26 сентябрьдә “Ак Барс” Кытай командасы “Куньлунь Ред Стар” белән “Татнефть-Арена” бозында көч сынашачак.

Казанда ат спорты буенча Татарстан Кубогы тәмамланды

Ярышларда барлыгы 34 команда катнашты.

24 сентябрьнең төп вакыйгалары - фото һәм сылтамалар

Татарстан Президенты Дәүләт Советына еллык Юллама белән чыкты, 2019 ел Татарстанда Эшче һөнәрләре елы булачак, Казанга Үзбәкстан театры килде.

Татарстан районнарының иң яхшы якташлыклары бүләкләнде

Быел беренче урынга Буа районы якташлык җәмгыяте лаек булды.