Сәясәт

Рөстәм Миңнеханов: Татарстан һәм Казахстан үзара хезмәттәшлекне үстерәчәк

Татарстан Президенты Астанада финанс форумында һәм халыкара финанс үзәген ачуда катнаша.
04.07 08:25

(Казан, 4 июль, “Татар-информ“). Бүген Татарстан Республикасы Президенты Рөстәм Миңнеханов EXPO ASTANA конгресс-үзәгендә Казахстан Республикасы Премьер-министры Бәхетҗан Сагынтаев белән очрашты. Татарстан Президенты эш сәфәре белән Казахстанда. Бу хакта президент матбугат хезмәте хәбәр итә.

Очрашу башлануга ук Рөстәм Миңнеханов Бәхетҗан Сагынтаевка Астана финанс форумында һәм халыкара финанс үзәген ачуда катнашуга чакырулары өчен рәхмәт белдерде: «Россия Федерациясе белән Казахстан Республикасы арасындагы мөнәсәбәтләр кысаларында Татарстан-Казахстан хезмәттәшлеген үстерү мәсьәләләренә шәхсән игътибар итүегез өчен рәхмәтлебез. Безнең багланышлар, ике илнең дә президентлары хуплавы нәтиҗәсендә динамик рәвештә үсә. Өч атна элек Казахстан Президенты Нурсолтан Абишевич Назарбаев безнең республикада булган иде. Бу безнең өчен тарихи визит булды», - диде ул.

Визит в Республику Казахстан

«Без Казахстан Президенты Нурсолтан Абишевич Назарбаев белән бу турыда җентекләп сөйләшкән идек», - диде Бәхетҗан Сагынтаев.

«Без Казахстан казанышларын игътибар белән күзәтәбез, сезнең бай тәҗрибәгезне һәм иң яхшы практикаларыгызны киң кулланабыз. Татарстан белән Казахстанны күптәнге партнерлык мөнәсәбәтләре бәйли. Без Казахстан компанияләре белән икътисади һәм инвестицион элемтәләрне үстерергә омтылабыз. Үткән ел йомгаклары буенча Татарстан-Казахстан товар әйләнеше 40%ка артты һәм 700 млн. АКШ доллары тәшкил итте. Казанда очрашу барышында Нурсолтан Абишевич товар әйләнешен 1 млрд. АКШ долларына җиткерергә йөкләмә бирде. Шикләнмибез дә, хезмәттәшлегебезне үстерү нәтиҗәсендә якын киләчәктә бу уртак бурычыбызны үти алырбыз», - диде Рөстәм Миңнеханов. 

Визит в Республику Казахстан

КӨН ҮЗӘГЕНДӘ

Президент Татарстан белән "ЛУКОЙЛ"ның товар әйләнеше 50 миллиард сумга җитүен белдерде

Рөстәм Миңнеханов Казан Кремлендә "ЛУКОЙЛ" гамәви акционерлык җәмгыяте президенты Ваһит Алекперов белән очрашты.

Р.Миңнеханов Коррупциягә каршы көрәш буенча эшне җайга салу комиссиясе утырышын уздырды

Утырышта билгеләп үтелгәнчә, коррупциягә каршы җәмәгатьчелек фикерен формалаштыруга, гражданнарның хокукый аңын үстерүгә юнәлгән эшне оештыру кирәк.

Минтимер Шәймиев: Кешеләрне сөендереп, яшьләргә үрнәк булырлык матур эшләр эшләнә

"ЛУКОЙЛ" ширкәте оештыра торган бәйгедә 146 проект җиңүгә лаек, дип табылды.

Кама Аланы бистәсенә шәһәр статусы бирелергә мөмкин

Кама Аланы башлыгы сүзләренчә, бары тик биредә яшәүчеләр ризалыгы белән генә бистә шәһәр статусы алырга мөмкин.

“Сөембикә” операсының авторлары спектакльдә хатын-кыз язмышын сурәтләүләрен әйтәләр

“Сөембикә” операсы премьерасы Муса Җәлил исемендәге Татар дәүләт опера һәм балет театрында ике көн - 26 һәм 27 сентябрьдә күрсәтеләчәк.