Сәясәт

Р.Миңнеханов Түбән Новгород, Свердловски һәм Чиләбе башлыклары белән очрашачак

Татарстан бу төбәкләр белән 2018—2020 елларга килешүләрне тормышка ашыру буенча чаралар планын имзалаячак.
04.07 13:32

(Казан, 4 июль, “Татар-информ”). Татарстан Президенты Рөстәм Миңнеханов Екатеринбургта 9-12 июльдә узачак “Иннопром” халыкара күргәзмә мәйданында Түбән Новгород, Свердловски һәм Чиләбе өлкәләре башлыклары белән очрашачак. Бу хакта Хөкүмәт Йортында узган брифингта Татарстан Президентының матбугат хезмәте җитәкчесе урынбасары Лилия Галимова хәбәр итте.

Татарстан өч төбәк белән 2018-2020 елларга килешүләрне тормышка ашыру буенча чаралар планын имзалаячак.

Татарстан Екатеринбургка 140 кешедән торган делегация барачак, дип өстәде Галимова. “Татарстан өчен бу, һичшиксез, сәнәгать мөмкинлекләрен тәкъдим итү планында яхшы потенциал. Шулай ук алдынгы тәҗрибә алмашу өчен яңа бәйләнешләр булдыруда да. Татарстан Президенты әлеге күргәзмәдә һәрвакыт булырга тырыша”, - диде Казан Кремленең рәсми вәкиле.

Татарстан үзенең төп сәнәгать предприятиеләре экспозициясен, Made in Tatarstan бренды белән булган продукциясен, алты федераль һәм уннарча төбәк инвестиция мәйданчыкларын күрсәтәчәк.

  • 2018 елда “Иннопром” күргәзмәсе цифрлы җитештерү темасына багышлана. Партнер ил булып Көньяк Корея сайланган.

 

КӨН ҮЗӘГЕНДӘ

Президент Татарстан белән "ЛУКОЙЛ"ның товар әйләнеше 50 миллиард сумга җитүен белдерде

Рөстәм Миңнеханов Казан Кремлендә "ЛУКОЙЛ" гамәви акционерлык җәмгыяте президенты Ваһит Алекперов белән очрашты.

Р.Миңнеханов Коррупциягә каршы көрәш буенча эшне җайга салу комиссиясе утырышын уздырды

Утырышта билгеләп үтелгәнчә, коррупциягә каршы җәмәгатьчелек фикерен формалаштыруга, гражданнарның хокукый аңын үстерүгә юнәлгән эшне оештыру кирәк.

Минтимер Шәймиев: Кешеләрне сөендереп, яшьләргә үрнәк булырлык матур эшләр эшләнә

"ЛУКОЙЛ" ширкәте оештыра торган бәйгедә 146 проект җиңүгә лаек, дип табылды.

Кама Аланы бистәсенә шәһәр статусы бирелергә мөмкин

Кама Аланы башлыгы сүзләренчә, бары тик биредә яшәүчеләр ризалыгы белән генә бистә шәһәр статусы алырга мөмкин.

“Сөембикә” операсының авторлары спектакльдә хатын-кыз язмышын сурәтләүләрен әйтәләр

“Сөембикә” операсы премьерасы Муса Җәлил исемендәге Татар дәүләт опера һәм балет театрында ике көн - 26 һәм 27 сентябрьдә күрсәтеләчәк.