Спорт

Дәүләт Думасында Чемпионат объектларын карап тоту мәсьәләсе күтәреләчәк – М.Дегтярев

Россия шәһәрләрендә Дөнья чемпионатына дип төзелгән стадионнарны карап тоту белән профессиональ футбол клублары шөгыльләнергә тиеш, дип саный депутат.
04.07 17:00

(Казан, 4 июль, “Татар-информ”, Гөлнар Гарифуллина). Россия шәһәрләрендә Дөнья чемпионатына дип төзелгән стадионнарны карап тоту белән профессиональ футбол клублары шөгыльләнергә тиеш. Россия Федерациясе Дәүләт Думасының Физик тәрбия, спорт, туризм һәм яшьләр эшләре буенча комитет рәисе Михаил Дегтярев шулай дип саный.

Дегятерев, Чемпионат тәмамлангач, Дәүләт Думасында чемпионат мирасы объектларын тоту мәсьәләсен җентекләп караячакларын әйтте. Бу хакта ул бүген Мәскәүдә чемпионатның матбугат үзәгендә мундиальне кабул итүче 11 шәһәрне тоташтырган видеоконференциядә сөйләде.

Пресс-конференция председателя комитета ГД РФ по спорту Михаила Дегтярева

“Иң мөһиме – профессиональ футол клубларының маркетинг юлы белән бу стадионнарда акча җыюы һәм шул акчаны стадионнарны карап тотуга да юнәлдерүе. Бу нормаль практика. Дөнья тәҗрибәсендә әле еш кына стадионнарның хосусый акчага төзелүен дә беләбез. Алайса, стадионнарны төзедек тә, футбол клублары әзергә мәзер килеп утыра булып чыгачак бит. Уенчылар сатып алсыннар да, яхшы гына маркетинг программасы эшләп, танылсыннар, акча эшләсеннәр”, - дип әйтте Михаил Дегтярев.

Аның сүзләренчә, Чемпионат тәмамлангач, Дәүләт Думасы депутатлары Чемпионат мирасы булган объектларның ничек карап тотылуы мәсьәләсен күтәрәчәк. Депутат спорт объектлары кулланышы буенча берничә төбәккә уртак операторлар булдыру, стадионнарда футбол белән бәйле булмаган башка чаралар уздыру мөмкинлеге мәсьәләләре дә каралуын әйтте.

Пресс-конференция председателя комитета ГД РФ по спорту Михаила Дегтярева

Михаил Дегтярев стадионнарны эшкә җигү мәсьәләсендә дөнья тәҗрибәсенә дә таянырга киңәш итте.

 

КӨН ҮЗӘГЕНДӘ

Рөстәм Миңнеханов Татарстан Дәүләт Советына еллык юллама белән мөрәҗәгать итте

Салих Сәйдәшев исемендәге Зур Концертлар залында узган чарада Минтимер Шәймиев, Алексей Песошин, Татарстан депутатлары һәм башкалар катнашты.

Татарстанда 2019 елга пенсионерларның яшәү минимумы күләме билгеле булды

Республикада 73 меңгә якын пенсионер федераль социаль өстәмә акча ала.

Рөстәм Миңнеханов Татарстанда гериатрия хезмәте оештырырга тәкъдим итте

Республикада олы яшьтәге кешеләрнең авыруларын дәвалаучы медицина үзәге кирәклеген Президент үзенең еллык Юлламасында әйтте.

Татарстанда 60 яше тулган ирләргә һәм 55 яшьлек хатын-кызларга пенсия ташламалары саклана

Закон проекты нигезендә, пенсияне алдан билгеләү хокукына ия булган гражданнар өчен дә ташламалар гамәлдә кала.

Буа театрының 37 көнлек Оренбург-Казахстан-Кавказ гастрольләре башланды

Театр унтугыз шәһәрдә алтмышка якын спектакль күрсәтәчәк.