Сәясәт

Р.Миңнеханов: Татар телен белү Казахстандагы хезмәттәшләрем белән аралашырга ярдәм итә

Татарстан Президенты Казахстан татар һәм башкорт конгрессы активы белән очрашты.
04.07 19:50

(Казан, 4 июль, “Татар-информ”). Татарстан Президенты Рөстәм Миңнеханов татар телен белүе нәтиҗәсендә Казахстан хезмәттәшләре белән тәрҗемәсез аралаша ала. Ул бу хакта Казахстан татар һәм башкорт конгрессы активы белән очрашуда белдерде. Бу турыда республика Президенты матбугат хезмәте хәбәр итә.

“Казах телен белгән кеше татар телен дә белә дияргә була. Мин татар телен беләм һәм Казахстан хезмәттәшләрем белән тәрҗемәчедән башка аралашам. Казах телен актив өйрәнегез, Казахстанда аны өйрәнү белән проблема юк һәм татар телен дә тиз үзләштерәчәксез”, - диде Миңнеханов.

Республика лидеры Павлодарск өлкәсе татар теле укытучыларын стажировкага яки практикага җибәрү турындагы тәкъдимне шулай дип шәрехләде. Рөстәм Миңнеханов бу идеяне хуплады, әмма, аның фикеренчә, Казахстан татарларына активрак булырга һәм татар теле укытучылары әзерләүгә үз вәкилләрен җибәрергә кирәк. Ул татар телен өйрәнүдә дистанцион технологияләр һәм заманча мультимедиа программалары кулланырга тәкъдим итте.

  • Казахстан Республикасы Статистика комитеты мәгълүматлары буенча илдә 200 меңнән артык татар яши, бу Казахстанда яшәүчеләрнең 1,3 проценты дигән сүз.

Рөстәм Миңнеханов Казахстанда “ТНВ” телекомпаниясенең корпунктын ачуда катнашты. Татарстан Президенты Казахстан башкаласы Астанага 3 июльдә Astana Finance Days Forum халыкара ислам икътисады форумында катнашу өчен ике көнлек эш визиты белән килде.

 Ãâ€™ÃÂ¸ÃÂ·ÃÂ¸Ã‘‚ в Республику Казахстан

КӨН ҮЗӘГЕНДӘ

Президент Татарстан белән "ЛУКОЙЛ"ның товар әйләнеше 50 миллиард сумга җитүен белдерде

Рөстәм Миңнеханов Казан Кремлендә "ЛУКОЙЛ" гамәви акционерлык җәмгыяте президенты Ваһит Алекперов белән очрашты.

Р.Миңнеханов Коррупциягә каршы көрәш буенча эшне җайга салу комиссиясе утырышын уздырды

Утырышта билгеләп үтелгәнчә, коррупциягә каршы җәмәгатьчелек фикерен формалаштыруга, гражданнарның хокукый аңын үстерүгә юнәлгән эшне оештыру кирәк.

Кама Аланы бистәсенә шәһәр статусы бирелергә мөмкин

Кама Аланы башлыгы сүзләренчә, бары тик биредә яшәүчеләр ризалыгы белән генә бистә шәһәр статусы алырга мөмкин.

“Сөембикә” операсының авторлары спектакльдә хатын-кыз язмышын сурәтләүләрен әйтәләр

“Сөембикә” операсы премьерасы Муса Җәлил исемендәге Татар дәүләт опера һәм балет театрында ике көн - 26 һәм 27 сентябрьдә күрсәтеләчәк.

Табигый газ ягучы техникаларның халыкара йөреше Бөгелмә аша узды

Техника колоннасы Баулы, Бөгелмә, Әлмәт аша уза, аннары Алексеевскига һәм Казанга юнәләчәк.