Фән һәм мәгариф

Азнакай һөнәр көллиятен тәмамлаган кызлар авылда калырга теләк белдермиләр

Азнакай һөнәр көллиятен 154 студент тәмамлады.
05.07 02:00

(Азнакай, 5 июль, “Татар-информ”, “Маяк”, Ильяс Баһауов). Балалар иҗат үзәгендә Лениногорск политехника көллиятенең Азнакай филиалын тәмамлаучылар өчен чыгарылыш кичәсе узды, дип хәбәр итә район газетасы.

Филиал директоры Роберт Хөснетдинов белдергәнчә, бу елны 8 белгечлек буенча 154 студент кулына диплом ала. Алар берсе дә эшсез калмаячак, чөнки эшче көчләргә хезмәт базарында ихтияҗ һәрчак зур. Әлеге фикерне чыгарылыш кичәсенә килгән район оешмалары җитәкчеләре дә раслады. Практика вакытында көллият укучылары аларга үзләренең белемнәрен һәм һөнәрләрен инде күрсәтеп өлгергәннәр.

Азнакай муниципаль районы башлыгы Марсель Шәйдуллин чыгырылыш укучыларына уңышлар теләп, шатлыклы хәбәр дә җиткерде: киләсе уку елыннан көллият филиал булудан туктап, мөстәкыйль техникумга әвереләчәк.

Һәр чыгарылыш кичәсе – ул шатлыклы да, моңсу да вакыйга. Чыгышлар вакытында мастерларның да, әти-әниләрнең дә күзләре яшьләнде. Ә студентлар: “Уку бетте, хәзер мөстәкыйль тормышка аяк басабыз, үзебез эшләп акча таба алабыз”, – дип шатлыкларын яшермәделәр.

Тракторчы-машинист белгечлеген үзләштергән егетләр авылга ашкынып торалар, ә менә пешекче белгечлегенә укучы кызлар ул кадәр көчле теләк белдермиләр. Алар фикеренчә, шәһәрдә эш табуы җиңелрәк һәм кулайрак та.

Чыгарылыш кичәсе тәбрикләүләр, концерт номерлары белән бик матур узды. Бәйрәм истә калырлык вальс белән тәмамланды, диелә район хәбәрендә.

КӨН ҮЗӘГЕНДӘ

19 июльнең төп вакыйгалары - фото һәм сылтамалар

КФУда милли белем бирү системасына педагогик кадрлар əзерлəү буенча биш юнəлеш ачылды, Татарстан Президенты ВТБ банкы рәисе урынбасары белән очрашты.

Салават Фәтхетдинов иң зур сабан туе Казанда узып, татарлар бирегә җыелырга тиеш дип саный

Җырчы үзенең 30нчы концерт сезонына багышланган матбугат конференциясендә сабантуйларга булган мөнәсәбәтен җиткерде.

Рөстәм Миңнеханов: Иртәме-соңмы үзмәшгульлек системасын гадиләштерергә кирәк

Хөкүмәт өчен үз эшләре белән шөгыльләнүчеләрдән бюджетка салым кертүгә караганда системаны гадиләштерү мөһимрәк, диде Татарстан Президенты.

Татарстан Президенты ВТБ банкы рәисе урынбасары белән очрашты

Татарстандагы ВТБ банкының кредит портфеле 2018 елның беренче яртыеллыгы нәтиҗәләре буенча МСБ сегментында 33 миллиард сумга җиткән.

Татар дин әһелләре форумы делегатларына әзерләнгән концертны “Татар-информ” онлайн күрсәтә

Муса Җәлил исемендәге Татар дәүләт опера һәм балет театрында Татарстан Республикасы Дәүләт фольклор ансамбле концерты бара.