Авыл

ТР Баш ветеринария идарәсе балалар һәм яшүсмерләр арасында иҗади бәйге игълан итә

Конкурска рәсем, инша, фотосурәт номинацияләре буенча эшләр кабул ителә.
05.07 10:14

(Казан, 5 июль, “Татар-информ”). Татарстанның Баш ветеринария идарәсе, тармак оешуга 25 ел тулу уңаеннан һәм мал табибы һөнәренә кызыксыну тудыру максатыннан, балалар һәм яшүсмерләр арасында “Мин – булачак мал табибы” исемле иҗади бәйге игълан итә. Бу хакта “Татар-информ”га идарәнең матбугат сәркатибе Алсу Нуруллина хәбәр итте.

Бәйгегә өч номинация буенча эшләр кабул ителә. “Рәсем” номинациясендә 14 яшькәчә балалар, “Инша” һәм “Фотосурәт” номинациясендә – 18 яшькә кадәр булган яшүсмерләр катнаша ала.

Матбугат сәркатибе сүзләренчә, әлеге бәйге зурлап беренче тапкыр уздырыла һәм ул Баш ветеринария идарәсе оешуга 25 ел тулуга багышланган чаралар программасына кергән.

  • Иҗади эшләрне ТР Министрлар Кабинеты каршындагы Баш ветеринария идарәсенә, 1 августка кадәр, guv.pressa@tatar.ru адресына юлларга кирәк.

Эшләрдә мал табибы һөнәренә хөрмәт, кызыксыну, ярату чагылыш табарга тиеш. Аларны махсус комиссия бәяләчәк. Бәйге җиңүчеләре Ветеринария белгечләре көнендә узачак тантанада бүләкләнәчәк.  

КӨН ҮЗӘГЕНДӘ

Рөстәм Миңнеханов Татарстан Дәүләт Советына еллык юллама белән мөрәҗәгать итте

Салих Сәйдәшев исемендәге Зур Концертлар залында узган чарада Минтимер Шәймиев, Алексей Песошин, Татарстан депутатлары һәм башкалар катнашты.

Авылдагы мәдәният оешмаларына эшкә килгән яшь белгечләргә пособие бирәчәкләр

Урта һөнәри белеме булган белгечләргә - 50 мең сум, югары белемле белгечләргә 100 мең сум акча түләнәчәк.

Татарстанда 2019 елга пенсионерларның яшәү минимумы күләме билгеле булды

Республикада 73 меңгә якын пенсионер федераль социаль өстәмә акча ала.

Рөстәм Миңнеханов Татарстанда гериатрия хезмәте оештырырга тәкъдим итте

Республикада олы яшьтәге кешеләрнең авыруларын дәвалаучы медицина үзәге кирәклеген Президент үзенең еллык Юлламасында әйтте.

Татарстанда 60 яше тулган ирләргә һәм 55 яшьлек хатын-кызларга пенсия ташламалары саклана

Закон проекты нигезендә, пенсияне алдан билгеләү хокукына ия булган гражданнар өчен дә ташламалар гамәлдә кала.