Икътисад

Рөстәм Миңнеханов Ислам банклары советы җитәкчесен "KazanSummit 2019"ка чакырды

Татарстан Президенты Казахстанның эшлекле даирәләре һәм Астана ислам икътисады форумының кайбер кунаклары белән очрашулар үткәрде.
05.07 10:43

(Казан, 5 июль, «Татар-информ»). Татарстан Президенты Рөстәм Миңнеханов Ислам банклары һәм финанс институтлары советы генераль сәркатибе Абделиллах Белатикны киләсе елга XI «Россия – Ислам дөньясы: KazanSummit 2019» Халыкара икътисади саммитына чакырды. Бу турыда Татарстан Президенты матбугат хезмәте хәбәр итте.

  • Бу көннәрдә Татарстан Республикасы Президенты Рөстәм Миңнеханов эш сәфәре белән Казахстанда. Ул EXPO Конгресс-үзәгендә халыкара финанс үзәге проектлары күргәзмәсе белән танышты.

Татарстан Президенты Казахстанның эшлекле даирәләре һәм Астана ислам икътисады форумының кайбер кунаклары белән очрашулар үткәрде.  

Рөстәм Миңнеханов Ислам банклары һәм финанс институтлары советы генераль сәркатибе Абделиллах Белатик белән очрашу барышында ислам финанслары өлкәсендәге хезмәттәшлек перспективалары хакында фикер алышты.

Очрашу ахырында Татарстан Президенты Абделиллах Белатикны киләсе елда XI «Россия – Ислам дөньясы: KazanSummit 2019» Халыкара икътисади саммитында катнашырга чакырды һәм саммит мәйданчыгында ислам финанслары механизмнарын гамәлгә кертү темасына сессияләр оештырырга тәкъдим итте.

Ислам үсеш банкы төркеме президенты Бандар Хәҗәр белән очрашуда ислам финансларына кагылышлы мәсьәләләр хакында фикер алышуны дәвам иттеләр. Рөстәм Миңнеханов 2017 елның февралендә Согуд Гарәбстанының Җиддә шәһәрендә урнашкан Ислам үсеш банкына сәфәрен искә алды. Яклар шулай ук Астана ислам икътисады форумының оештырылу дәрәҗәсенә бәйле уңай хис-кичерешләре белән уртаклашты.

КӨН ҮЗӘГЕНДӘ

15 июльнең төп вакыйгалары - фото һәм сылтамалар

"Безнең яңа укытучы"гранты ияләре билгеле,"Ефәк юлы" марафоны катнашучылары парадка җыелды, Бөтенроссия авыл Сабан туе киләсе елга Самарада була.

Мөселман балалар Сабан туе батыры билгеле булды

Абсолют батырга көрәшнең төп призы – скутер тапшырылды.

Миңнеханов Татарстанның Федераль атом-төш үзәге белән хезмәттәшлек итәргә теләвен белдерде

Татарстан Президенты кичә Снежинскта Бөтенроссия техник физика фәнни-тикшеренү институтында булды.

Васил Шәйхразиев татарча сөйләшүче балаларны милләтнең иң зур горурлыгы дип саный

Милли шура рәисе сүзләренчә, татар халкы туган телен белгән оныкларым белән горурланам, дип яшәргә тиеш.