Фән һәм мәгариф

Бөтенроссия җәмәгатьчелек фикерен өйрәнү үзәге Россиядә БДИга караш уңай, дип саный

Сораштыруда катнашучыларның яртысыннан артыгы Россиядә белемнәрне бәяләү системасы дөрес оештырылган, дигән фикердә.
05.07 19:46

(Казан, 5 июль, “Татар-информ”).  Күпчелек россиялеләр фикеренчә, Россиядә белемнәрне бәяләү системасы объектив эшли. Бөтероссия җәмәгатьчелек фикерен өйрәнү үзәге сораштырулар уздырган. Аның нәтиҗәсе буенча, катнашучыларның 52 проценты БДИ үткәрелү нәтиҗәсендә мәктәптә белемнәрне бәяләүдә субъективлык кимегән, дип саный. Бу хакта Татарстан Мәгариф һәм фән министрлыгы сайтында хәбәр ителә.

"Без бердәм дәүләт имтиханы институтының инде тотрыклылыкка ирешүен күрәбез. Аның эшчәнлеге Россиянең һәр кешесенә аңлашыла. Бу исә дәүләт һәм җәмгыять арасында даими аралашу баруын күрсәтә, гражданнарның фикере исәпкә алынып, экспертлар белән эш алып барыла”, - дип билгеләп узды Мәгариф һәм фән өлкәсендә күзәтчелек буенча федераль хезмәт җитәкчесе урынбасары Анзор Музаев.

2018 елда БДИ буенча "Кайнар линия"гә һәм "Ышаныч линиясе"нә кергән мөрәҗәгатьләрдән күренгәнчә, бердәм дәүләт имтиханына карата ата-аналар да, укучылар да тәнкыйди мөнәсәбәттә түгел. Хәзерге вакытта төп сораулар 9нчы сыйныфларда йомгаклау аттестациясенә кагыла, анда да камилләшү барачак.

Сораштыруларда катнашкан россиялеләрнең 57 процентының фикеренчә, илнең ерак өлкәләрендә яшәүче сәләтле балалар, бердәм дәүләт имтиханнары уздырылганга күрә, танылган югары уку йортларына укырга керә алалар. Хәзерге вакытта БДИда югары балл алган укучыларны үз төбәгендә калып, югары уку йортында белем алу мөмкинлеге күбрәк кызыксындыра. 
 

КӨН ҮЗӘГЕНДӘ

Рөстәм Миңнеханов район башлыкларына коммуналь техника ачкычлары тапшырды

Республиканың 25 муниципаль районына автогрейдер, төягеч һәм башка махсус техника тапшырдылар.

“Ак Барс” Казанда “Сибирь” командасын җиңде

26 сентябрьдә “Ак Барс” Кытай командасы “Куньлунь Ред Стар” белән “Татнефть-Арена” бозында көч сынашачак.

Казанда ат спорты буенча Татарстан Кубогы тәмамланды

Ярышларда барлыгы 34 команда катнашты.

24 сентябрьнең төп вакыйгалары - фото һәм сылтамалар

Татарстан Президенты Дәүләт Советына еллык Юллама белән чыкты, 2019 ел Татарстанда Эшче һөнәрләре елы булачак, Казанга Үзбәкстан театры килде.

Татарстан районнарының иң яхшы якташлыклары бүләкләнде

Быел беренче урынга Буа районы якташлык җәмгыяте лаек булды.