Дин

Арчада мөселманнар арасында республика футбол ярышлары узачак

Беренче өчлеккә кергән җиңүче командалар Арча районы мөхтәсибәтенең Кубогына ия булачак.
05.07 21:35

(Казан, 5 июль, "Татар-информ"). 8 июльдә Арчада мөселманнар арасында республика футбол ярышлары узачак. Анда Түбән Кама, Апас, Саба, Яр Чаллы, Әтнә, Балтач, Кукмара, Теләче һәм башка район командалары катнашачак. Бу хакта Татарстан мөселманнары Диния нәзарәте хәбәр итә.

Арча мөселманнары данын ике команда яклаячак. Беренче өчлеккә кергән җиңүче командалар Арча районы мөхтәсибәтенең Кубогына ия булачак. Иң җитез уенчыларга кыйммәтле бүләкләр тапшыру каралган. Футбол ярышлары ачылышы тантанасында мөселман спортчыларын Арча муниципаль районы администрациясе вәкиле һәм районның имам–мөхтәсибе Раил хәзрәт Гыйләҗев сәламләр, дип көтелә.

  • Арча мөхтәсибәте даими рәвештә спорт ярышлары оештыра, агымдагы елда гына республика буенча - чаңгы, район күләмендә хоккей һәм волейбол ярышлары үткәрде.
  • Татарстанның иң зур мөхтәсибәте буларак, Арча районында хәзерге вакытта 82 мәчет эшли, җомга намазында һәр мәчеттә 120гә якын кеше җыела. 

КӨН ҮЗӘГЕНДӘ

15 июльнең төп вакыйгалары - фото һәм сылтамалар

"Безнең яңа укытучы"гранты ияләре билгеле,"Ефәк юлы" марафоны катнашучылары парадка җыелды, Бөтенроссия авыл Сабан туе киләсе елга Самарада була.

Мөселман балалар Сабан туе батыры билгеле булды

Абсолют батырга көрәшнең төп призы – скутер тапшырылды.

Миңнеханов Татарстанның Федераль атом-төш үзәге белән хезмәттәшлек итәргә теләвен белдерде

Татарстан Президенты кичә Снежинскта Бөтенроссия техник физика фәнни-тикшеренү институтында булды.

Васил Шәйхразиев татарча сөйләшүче балаларны милләтнең иң зур горурлыгы дип саный

Милли шура рәисе сүзләренчә, татар халкы туган телен белгән оныкларым белән горурланам, дип яшәргә тиеш.