Фән һәм мәгариф

Казан кооператив институты яңа юнәлеш ача

Биредә кече һәм урта эшкуарлык, оешмаларның икътисад һәм финанс хезмәтләре, хакимият һәм идарә органнары һ.б. өчен белгечләр әзерлиләр.
06.07 07:15

(Казан, 6 июль, "Татар-информ"). Россия кооперация университетының Казан кооператив институты яңа юнәлеш ача. Бу турыда Татарстан Авыл хуҗалыгы һәм азык-төлек министрлыгы матбугат хезмәте хәбәр итте.

Институт, Татарстан Республикасы Авыл хуҗалыгы һәм азык-төлек министрлыгы ярдәмендә, бакалавр программасы буенча яңа – кооператив икътисадын оештыру юнәлешен ача, диелгән әлеге хәбәрдә.

Бу юнәлеш төрле тармакка караган кооператив оешмалары өчен, шулай ук кече һәм урта эшкуарлык, оешмаларның икътисад һәм финанс хезмәтләре, хакимият һәм идарә органнары өчен югары квалификацияле белгечләр әзерләп чыгаруны күздә тота.

Кооперациянең булачак икътисадчылары уку барышында ук практикада оешма белән уңышлы идарә итү нечкәлекләренә өйрәнәләр һәм кулланалар.

Кооператив икътисады өлкәсендә белгечләр өчен практика узу һәм соңыннан эшкә урнашу базасы булып түбәндәгеләр каралырга мөмкин: бүгенге көндә эшләп торучы кооперативлар (торак, авыл хуҗалыгы, кулланучылар, кредит кооперативлары һ.б.), Татарстанның Фермерлар һәм крестьян хуҗалыклары ассоциациясе, фермерлык предприятиеләре, профильле тармаклар буенча министрлыклар, Татарстан Республикасының Инвестиция-венчур фондының инфраструктура оешмалары, "Идея" технопаркы, IT–парк, Татарстан Республикасы Сәүдә-сәнәгать палатасы, төбәк һәм муниципаль хакимият һәм идарә органнары һәм башкалар. 

КӨН ҮЗӘГЕНДӘ

Рөстәм Миңнеханов Татарстан Дәүләт Советына еллык юллама белән мөрәҗәгать итте

Салих Сәйдәшев исемендәге Зур Концертлар залында узган чарада Минтимер Шәймиев, Алексей Песошин, Татарстан депутатлары һәм башкалар катнашты.

Казан мэры Президент юлламасы турында: Бурычлар куелды һәм без аларны үтәргә әзер

Рөстәм Миңнеханов Дәүләт Советына юлламасында республиканың тотрыклы социаль-икътисади үсешен саклауның әһәмиятен әйтте.

Авылдагы мәдәният оешмаларына эшкә килгән яшь белгечләргә пособие бирәчәкләр

Урта һөнәри белеме булган белгечләргә - 50 мең сум, югары белемле белгечләргә 100 мең сум акча түләнәчәк.

Татарстанда 2019 елга пенсионерларның яшәү минимумы күләме билгеле булды

Республикада 73 меңгә якын пенсионер федераль социаль өстәмә акча ала.

Рөстәм Миңнеханов Татарстанда гериатрия хезмәте оештырырга тәкъдим итте

Республикада олы яшьтәге кешеләрнең авыруларын дәвалаучы медицина үзәге кирәклеген Президент үзенең еллык Юлламасында әйтте.