Икътисад

Миңнеханов: Татарстан республикада Казахстан бизнесы өчен барлык шартларны тудырырга әзер

Татарстан Президенты Казахстанның Atameken Business Channel каналына интервью бирде.
06.07 12:40

(Казан, 6 июль, «Татар-информ»). Татарстан белән Казахстан «кара алтын» чыгару һәм нефть химиясе өлкәсендә уртак проектларны гамәлгә ашырырга тиеш. ТР Президенты Рөстәм Миңнеханов Казахстанның Atameken Business Channel каналына биргән интервьюсында шулай дип белдерде.

Татарстан Президенты билгеләп үткәнчә, нефть химиясе өлкәсендә уртак проектлар булдыру мөмкинлеген карарга кирәк.

«Без Казахстанны Татарстанның стратегик партнеры дип саныйбыз. Мәдәниятебез, телебез охшаш, динебез бер булганлыктан, алга таба да актив хезмәттәшлек итәрбез дип уйлыйм», - диде Президент.

Рөстәм Миңнеханов искәрткәнчә, узган елда Казахстан һәм Татарстан арасында товар әйләнеше 700 миллион долларга җиткән. Аның сүзләренчә, Татарстан республикада Казахстан бизнесы өчен барлык шартларны тудырырга әзер.

Соңыннан Татарстан Президенты Казахстан халкын Астананың 20 еллыгы белән котлады.

«Мин Казахстанның чәчәк атуын телим. Без сезнең уңышларыгызга шатланабыз. Сезнең башкаланың 20 еллыгы белән котлыйбыз. Илләребезнең үзара дус булуын телибез», - дип искәртте республика башлыгы. 

КӨН ҮЗӘГЕНДӘ

Рөстәм Миңнеханов Татарстан Дәүләт Советына еллык юллама белән мөрәҗәгать итте

Салих Сәйдәшев исемендәге Зур Концертлар залында узган чарада Минтимер Шәймиев, Алексей Песошин, Татарстан депутатлары һәм башкалар катнашты.

Авылдагы мәдәният оешмаларына эшкә килгән яшь белгечләргә пособие бирәчәкләр

Урта һөнәри белеме булган белгечләргә - 50 мең сум, югары белемле белгечләргә 100 мең сум акча түләнәчәк.

Татарстанда 2019 елга пенсионерларның яшәү минимумы күләме билгеле булды

Республикада 73 меңгә якын пенсионер федераль социаль өстәмә акча ала.

Рөстәм Миңнеханов Татарстанда гериатрия хезмәте оештырырга тәкъдим итте

Республикада олы яшьтәге кешеләрнең авыруларын дәвалаучы медицина үзәге кирәклеген Президент үзенең еллык Юлламасында әйтте.

Татарстанда 60 яше тулган ирләргә һәм 55 яшьлек хатын-кызларга пенсия ташламалары саклана

Закон проекты нигезендә, пенсияне алдан билгеләү хокукына ия булган гражданнар өчен дә ташламалар гамәлдә кала.