Дин

Камил Сәмигуллин Төркиядә балаларга дини белем бирү эшчәнлеге белән танышты

Татарстан мөселманнары Диния нәзарәте рәисе, мөфти Камил хәзрәт Сәмигуллин Төркиядә Анталия мөфтие Осман Артан белән очрашты.
06.07 12:59

(Казан, 6 июль, «Татар-информ»). Татарстан мөселманнары Диния нәзарәте рәисе, мөфти Камил хәзрәт Сәмигуллин Төркиядә Анталия мөфтие Осман Артан белән очрашты. Алар мөселман мәгарифе системасы үсешенә бәйле мәсьәләләр турында фикер алыштылар. Бу хакта Татарстан мөселманнары Диния нәзарәте матбугат хезмәте хәбәр итә.

Камил хәзрәтне аеруча Анталиядә мәчет каршында оештырылган балалар өчен курсларның эшчәнлеге һәм тәҗрибәсе кызыксындырды. Осман бәй билгеләп үткәнчә, әлеге курслар өчен укытучыларны өч ай дәвамында махсус әзерлиләр.

Камил хәзрәт, үз чиратында, ТР мөселманнары Диния нәзарәте тарафыннан җәйге чорда мәчетләрдә балалар өчен дини белем һәм тәрбия бирү кысаларында ел саен оештырыла торган традицион чаралар турында сөйләде. Җәйге яллардагы чаралар ислам нигезләренә өйрәтү һәм сәламәт яшәү рәвешенә багышланган дәресләрне үз эченә ала. Әйтик, «Тынычлык» мәчетендә 6-15 яшьлек мөселман балалары өчен шундый чаралар 2 июльдән башланып китте. 9 июльдән исә ул яшь мөслимәләр өчен дәвам итәчәк. Көн дәвамында балалар һәм яшүсмерләр белән тәҗрибәле педагоглар һәм тәрбиячеләр шөгыльләнә. Гомумән, Татарстанда балалар өчен җәйге ял чаралары 100дән артык мәчеттә оештырыла. 

КӨН ҮЗӘГЕНДӘ

Р.Миңнеханов "ЭкоНива" җитәкчелеге белән авыл хуҗалыгында хезмәттәшлек турында сөйләште

«ЭкоНива-АПК Холдинг» компаниясе - Россиядә сөт җитештерүчеләр арасында иң эресе, биредә тәүлегенә 1 400 тонна сөт җитештерелә.

Минтимер Шәймиев катнашындагы «Вера» фильмын Симферопольдә күрсәтәләр

6-10 ноябрьдә Россия халыкларының милләтара бердәмлеген ныгытуга багышланган кинофестиваль Симферополь, Евпатория һәм Ялтада узачак.

Камал театры яңа сезонда җиде премьера тәкъдим итәчәк

Театрның беренче премьерасы 4 -7 ноябрь көннәренә билгеләнгән.

Агросәнәгать комплексының үсеше дәүләт ветеринария хезмәте эшенә бәйле - Алексей Песошин

Татарстан Премьер-министры Алексей Песошин ветеринария берләшмәләренә 101 машина тапшырды.

Р.Миңнеханов "Татнефтехиминвест-холдинг" директорлар советының чираттагы утырышын уздырды

Россия фәннәр академиясе Россия төбәкләрендә Р-ОДФО термопластик өлешчә кристаллашучы полиимид һәм башка полиимидлар производствосын оештырырга тели.