Икътисад

Мондый хөкүмәтара комиссия башка төбәкләргә уңай үрнәк күрсәтер, дип уйлыйм - Р.Миңнеханов

Хөкүмәтара Россия - Гарәп Әмирлекләре комиссиясенең 8нче утырышында ике ил биш килешү төзеде.
06.07 17:00

(Казан, 6 июль, “Татар-информ”). Хөкүмәтара Россия - Берләшкән Гарәп Әмирлекләре (БГӘ) комиссиясенең 8нче утырышы кысаларында сәүдә, икътисади һәм техник хезмәттәшлек турында карарлар кабул итү өчен Казан мәйданчыгы уңай булды, дип белдерде Татарстан Президенты Рөстәм Миңнеханов.

Комиссия рәистәшләре – Россия сәнәгать һәм сәүдә министры Денис Мантуров һәм БГӘ тышкы эшләр һәм халыкара хезмәттәшлек министры шәех Абдулла бән Зайед Әл Нахайян.

“Мондый хөкүмәтара комиссия башка төбәкләргә уңай үрнәк күрсәтер, дип уйлыйм”, - дип билгеләп үтте Татарстан Президенты.

Очрашу кысаларында ике ил вәкилләре берничә килешү төзеделәр, шул исәптән Россия һәм БГӘ гражданнары өчен үзара визалар алмашу килешүе, “GATCHINA GARDENS” һәм “Masdar” акыллы шәһәрләре хезмәттәшлеге турында меморандум, Татарстан Инвестицион үсеш агентлыгы белән БГӘ шәехе Әхмәт Далмук әл Мактуманың шәхси офисы белән килешү.

Моннан тыш, БГӘдә Россия эшмәкәрләр советы һәм “Альтарикс” ҖЧҖ БГӘдә Россия эшмәкәрләр советында әгъзалык турында килештеләр.
Шулай ук чара кысаларында “НАМИ”, “СОЛЛЕРС” ГАҖ, Берләшкән Гарәб Әмирлекләреннән “Аурус” һәм “Тавазун Холдинг” компанияләре белән автомобиль сәнәгате өлкәсендә хезмәттәшлек турында килешү имзаланды.

КӨН ҮЗӘГЕНДӘ

Рөстәм Миңнеханов район башлыкларына коммуналь техника ачкычлары тапшырды

Республиканың 25 муниципаль районына автогрейдер, төягеч һәм башка махсус техника тапшырдылар.

“Ак Барс” Казанда “Сибирь” командасын җиңде

26 сентябрьдә “Ак Барс” Кытай командасы “Куньлунь Ред Стар” белән “Татнефть-Арена” бозында көч сынашачак.

Казанда ат спорты буенча Татарстан Кубогы тәмамланды

Ярышларда барлыгы 34 команда катнашты.

24 сентябрьнең төп вакыйгалары - фото һәм сылтамалар

Татарстан Президенты Дәүләт Советына еллык Юллама белән чыкты, 2019 ел Татарстанда Эшче һөнәрләре елы булачак, Казанга Үзбәкстан театры килде.

Татарстан районнарының иң яхшы якташлыклары бүләкләнде

Быел беренче урынга Буа районы якташлык җәмгыяте лаек булды.