Татар дөньясы

Чиләбедәге “Татар кызы–2018” бәйгесендә җиңүче: Иң авыры ашарга пешерү булды

Магнитогорск кызы Илина Канбәкова "Татар-информ"га интервьюсында конкурсның иң авыр сынаулары турында сөйләде.
07.07 11:02

(Казан, 7 июль, “Татар-информ”, Люция Мөхәммәдшина, Зилә Мөбәрәкшина). Чиләбедә “Татар кызы – 2018” Халыкара конкурсының төбәкара этабы булды. Магнитогорск кызы Илина Канбәкова әлеге конкурста катнашып, җиңү яулады.

Илина Канбәковага 23 яшь, ул металлурглар шәһәрендәге татар хәрәкәтенең иң актив катнашучысы. “Йолдыз” вокаль ансамбле солисты, “Татары Магнитки. Ялкын” татар автономияле яшьләр хәрәкәте җитәкчесе, Халыклар Дуслыгы йортының татар мәдәнияте бүлеге газетасының мәкаләләре авторы.

Конкурс турында Халыкара проектның катнашучысы үзе сөйләде.

– Илина, “Татар кызы”нда ничек катнашырга булдың?

– Мин инде ике ел элек үк катнашырга хыяллана идем, әмма ул елларда тулысынча әзер булмадым. Татар телен җентекләп өйнергә, тәҗрибә тупларга кирәк иде. Халыклар Дуслыгы йортының хезмәткәрләре, якыннарымның ярдәме белән быел мин катнашырга карар кылдым. Алар миңа берсүзсез катнашып карарга киңәш итте. Мин вакытын җиткәнен үзем дә сизгән идем.

– Конкурсның беренче этапларында сине нәрсә көтте?

– “Татар кызы” бәйгесе күптөрле сынаулардан торды. Баштан татар халкының тарихына, мәдәниятенә һәм теленә бәйле тест сораулары булды. Үзем дә көтмәдем, барлык катнашучылар арасында иң югары баллны мин җыйган булып чыктым.

– Кайсы сынау күбрәк истә калды?

– Авылда үткән сынау, билгеле. Һәр биремне башкарганда тизлек тә, сыйфат та исәпкә алынды. Болар барысы да жюри әгъзаларының игътибарлы карашлары һәм видеокамералар астында үтте. Безгә каен агачы себеркесен, кыр чәчәкләре бәйләмен җыярга туры килде. Шул ук вакытта, аларның файдалы якларын татар телендә сөйләргә кирәк иде. Аннан соң, майга каймак салып, тавыкны әзерләдек.

– Биремнәрне үтәгәндә кызыклы мизгелләр булдымы?

– Шул ук тавыкны әзерләгәндә! Һәр бирем вакытында төшерү төркеме йөрде. Ул безнең һәр хәрәкәтебезне игътибарга алды, кайвакыт, хәтта комментарий бирүне дә сорады. Мин мескен тавык белән басып торганда болай дип әйткәнем: “Мин аны хәзер кулымда тотып торам, безнең белән барысы да яхшы”. Операторлар төшерүне туктатып, көләргә тотынды.

– Конкурс барышында кәефең нинди иде? “Җиңү һәм тагын бер кат җиңү”ме?

– Беренче урын алу өчен бүтәннәрне түбәнсетеп карау дигән уем булмады. Мин яңа тәҗрибә алыр өчен, яңа хис-кичерешләр, танышулар өчен бардым. Миңа татар мәдәниятенең мин белмәгән үзгә мохитенә “чуму” күпкә мөһимрәк булды.

– Конкурста җиңгәнеңне ишеткәч, нәрсәләр кичердең?

– Мине томалаганнар кебек булып китте. Чынлап! Баштан аңлашылмаган халәттә булдым, соңыннан күз яшьләрем агылды. Көтелмәгәнлектән дә, бәхеттән дә. Моны кабул итәр өчен, миңа берничә көн кирәк булды.

– Бу бит әле төбәкара этап кына. Димәк, сине “Татар кызы” бәйгесенең дәвамы көтә?

– Әйе. 1-5 август көннәрендә Бөтендөнья татар яшьләре форумы вакытында Казанда “Татар кызы – 2018” конкурсының ярымфиналы үтәчәк. Мин анда Көньяк Уралны тәкъдим итәчәкмен.

КӨН ҮЗӘГЕНДӘ

Рөстәм Миңнеханов район башлыкларына коммуналь техника ачкычлары тапшырды

Республиканың 25 муниципаль районына автогрейдер, төягеч һәм башка махсус техника тапшырдылар.

“Ак Барс” Казанда “Сибирь” командасын җиңде

26 сентябрьдә “Ак Барс” Кытай командасы “Куньлунь Ред Стар” белән “Татнефть-Арена” бозында көч сынашачак.

Казанда ат спорты буенча Татарстан Кубогы тәмамланды

Ярышларда барлыгы 34 команда катнашты.

24 сентябрьнең төп вакыйгалары - фото һәм сылтамалар

Татарстан Президенты Дәүләт Советына еллык Юллама белән чыкты, 2019 ел Татарстанда Эшче һөнәрләре елы булачак, Казанга Үзбәкстан театры килде.

Татарстан районнарының иң яхшы якташлыклары бүләкләнде

Быел беренче урынга Буа районы якташлык җәмгыяте лаек булды.