Авыл

Мөслимнең “Туган як” агрофирмасында 1 меңнән артык төргәк печән әзерләнде

Бу – һәр шартлы терлеккә уртача 18 центнер азык берәмлеге туры килә дигән сүз.
07.07 02:00

(Мөслим, 7 июль, "Татар-информ", "Авыл утлары" , Фәридә Гайнетдинова). Мөслимнең “Туган як” агрофирмасы, һәрвакыттагыча, терлек азыгы әзерләүдә өлгерлек күрсәтә. Бүгенге көндә агрофирмада сенаж салуны төгәлләделәр, печән әзерләү дәвам итә, дип яза җирле басма.

Агрофирмада 6432 тонна сенаж салынды, 1000нән артык төргәк печән әзерләнде. Бу – һәр шартлы терлеккә уртача 18 центнер азык берәмлеге туры килә дигән сүз. Узган елдан калган азыкларын да кушсаң, әлеге сан тагын да артып китә.

Агрофирмасында елның елында терлек азыгы мулдан әзерләнә. Чөнки маллар ишле биредә. Барлыгы 2000 баш мөгезле эре терлек исәпләнә, шуларның 700е – савым сыерлар. Туганяклылар терлек азыгы әзерләү өчен 4 мең гектарга якын мәйданда – күпьеллык үлән, 400 гектарда кукуруз үстерәләр быел.

– Агрофирмада сенаж салуны төгәлләдек. Барлыгы 6000 тоннадан артык сенаж салынды. Үләнне иң файдалы вакытында – чәчәккә бөреләнү фазасында урдык. Шунлыктан сенаж да яхшы сыйфатлы булды. 1000 төргәктән артык печән тупланды инде. Аны әзерләү бүген дә дәвам итә. Печән,сенаж кебек азыкларны без ике елга җитәрлек итеп әзерлибез. Узган елгы печән һәм сенаж да бар әле. Димәк, терлекләребез тук булачак, – ди агрофирма директоры Рәдиф Габидинов.

 

КӨН ҮЗӘГЕНДӘ

19 июльнең төп вакыйгалары - фото һәм сылтамалар

КФУда милли белем бирү системасына педагогик кадрлар əзерлəү буенча биш юнəлеш ачылды, Татарстан Президенты ВТБ банкы рәисе урынбасары белән очрашты.

Салават Фәтхетдинов иң зур сабан туе Казанда узып, татарлар бирегә җыелырга тиеш дип саный

Җырчы үзенең 30нчы концерт сезонына багышланган матбугат конференциясендә сабантуйларга булган мөнәсәбәтен җиткерде.

Рөстәм Миңнеханов: Иртәме-соңмы үзмәшгульлек системасын гадиләштерергә кирәк

Хөкүмәт өчен үз эшләре белән шөгыльләнүчеләрдән бюджетка салым кертүгә караганда системаны гадиләштерү мөһимрәк, диде Татарстан Президенты.

Татарстан Президенты ВТБ банкы рәисе урынбасары белән очрашты

Татарстандагы ВТБ банкының кредит портфеле 2018 елның беренче яртыеллыгы нәтиҗәләре буенча МСБ сегментында 33 миллиард сумга җиткән.

Татар дин әһелләре форумы делегатларына әзерләнгән концертны “Татар-информ” онлайн күрсәтә

Муса Җәлил исемендәге Татар дәүләт опера һәм балет театрында Татарстан Республикасы Дәүләт фольклор ансамбле концерты бара.