Спорт

ФИФА җитәкчесе Джанни Инфантино: Бөтен дөнья Россияне кунакчыл ил буларак ачты

“Россиягә бер килгән кеше, монда янә кайтачак. Без бу илгә гашыйк булдык”, - диде ул.
07.07 10:19

(Казан, 7 июль, “Татар-информ”). Футбол буенча Дөнья чемпионаты йогынтысында, бөтен дөнья кешеләре Россияне бай тарихлы һәм мәдәниятле кунакчыл ил буларак ачты. “Казан-Арена” стадионында узган Бразилия — Бельгия матчы тәнәфесендә “Матч ТВ” биргән интервьюсында Халыкара футбол федерациясе президенты Джанни Инфантино шундый фикерен әйтте.

“Без бөтен дөньядан 2 миллионга якын дусларыбызны җәлеп иттек дип уйлыйм. Алар үзләре өчен элек белмәгән илне – Россияне ачтылар. Алар Россияне бай тарихлы һәм мәдәниятле кунакчыл ил буларак күрделәр”, - диде Инфантино.

Россиядә чит ил җанатарлары бәйрәм итә белә торган кешеләрне күрде. Алар биредә, шулай ук Казанда да, теләсә кайсы вакытта чит ил кешеләренә ярдәм итәргә әзер халыкны очратты, диде Инфантино.

“Россиядә милли киемнәр кигән һәм битләренә флаг рәсемнәре ясаган ир-атлар белән хатын-кызларны очратырга мөмкин. Дөнья чемпионаты Көнбатышта Россиягә карата мөнәсәбәтне үзгәртә”, - диде ФИФА җитәкчесе.

2018 елгы Дөнья чемпионаты вакытында Россиягә килүчеләр үкенмәячәк, ди ул. “Россиягә бер килгән кеше, монда янә кайтачак. Без бу илгә гашыйк булдык”, - диде Инфантино.

Журналист биргән Чемпионатны илдә иң яхшысы дияргә буламы дигән сорауга Инфантино бу хакта уен тәмамлангач әйтергә була, диде. "Россиядә Чемпионат югары дәрәҗәдә", - дип әйтте ул.

КӨН ҮЗӘГЕНДӘ

Рөстәм Миңнеханов Түбән Новгород губернаторы инаугурациясе тантанасында катнашачак

Татарстан Президенты кыска вакытлы эш сәфәре белән Түбән Новгородка барачак.

Казаның автопассажир оешмаларына табигый газда эшләүче 30 автобус тапшырдылар

Ел азагына кадәр Татарстан башкаласында табигый газда йөрүче 82 “НЕФАЗ” һәм Lotos автобус йөри башлаячак.

Илдус Фазлетдинов: Матбугат калькалар белән чуарланган, ясалма телгә якынрак

Татар журналисты әйтүенчә, бүгенге матбугат замана укучысының рухи ихтыяҗларын канәгатьләндерми.

Сәмәй шәһәренең Татар сәнгать мәктәбендә Сөмбелә бәйрәмен билгеләп үттеләр

Әлеге бәйрәм шәһәр күләмендә икенче тапкыр оештырылган.

“Татнефть” Директорлар советы 2030 елга кадәр Үсеш стратегиясен раслады

Рөстәм Миңнеханов җитәкчелегендәге утырыш Татарстанның Хөкүмәт йортында узды.