Рәсми Татарстан

Рөстәм Миңнеханов Чабаксарда федераль Сабан туенда катнаша

Татарстан Президенты чуваш күргәзмәсен карады, төрле өлкә татарларын сәламләп үтте.
07.07 12:04

(Чабаксар, 7 июль, "Татар-информ", Гөлнар Гарифуллина). Бу минутларда Чабаксарда федераль Сабан туе башланды. Рәсми ачылышта Татарстан Республикасы Президенты Рөстәм Миңнеханов катнаша.

Татарстан Президентын Сабан туе капкасы төбендә гадәттәгечә ипи-тоз, чәкчәк белән каршы алдылар. Шушында ук аны "елмаеп торулары" дигән сүзләре булган җыр белән Милли-мәдәни мохтарият рәисе Фәрит Гыйбатдинов җитәкчелегендәге "Дуслык" ансамбле сәламләде.

Җәяүлеләр урамы Ефремов бульвары буенча төрле өлкәләрдән татар диаспоралары тезелеп баскан иде. Рөстәм Миңнеханов делегатларның һәркайсы яныннан ашыкмый гына узды. Чуваш балалар иҗади төркемнәре җыр-биюләр әзерләгән. Кыюраклары Татарстан Президенты белән фотога да төшәргә өлгерде.

Аннары Рөстәм Миңнеханов чуваш сәнәгатькәрләре эшләнмәләре күргәзмәсен карап чыкты. Чуваш остасы Людмила Балтаева чуваш милли киемнәре, баш киемнәре турында сөйләде.

Татарстан Президенты чуваш язулары тарихы сурәтләнгән таш янына да килде.

Сабан туеның тантаналы ачылышы чуваш милли үзенчәлекләен чагылдырган чыгышлар белән ачылды. Икмәк турында башта русча, чувашча, аннары татарча мәдхия шигыре яңгырады. 

  • Сабан туена 41 төбәктән 500 дән артык делегат килгән.
  • Чувашстанда 41 мең татар исәпләнә, шуның 7 меңе республика башкаласы Чабаксарда яши.

 

КӨН ҮЗӘГЕНДӘ

18 июльнең төп вакыйгалары - фото һәм сылтамалар

Рөстәм Миңнеханов бюджет акчасын нәтиҗәле файдалануны таләп итте, Изге Болгар җыенына бару өчен һәрбер мөхтәсибәткә автобус биреләчәк.

Рөстәм Миңнеханов Вьетнамның Тулы вәкаләтле илчесе белән хезмәттәшлек турында сөйләште

"Татарстан Россия-Вьетнам мөнәсәбәтләре кысаларында Вьетнам белән хезмәттәшлекне үстерүгә аеруча игътибар итә", - диде президент.

Рөстәм Миңнеханов бюджет акчасын нәтиҗәле файдалануны таләп итте

Татарстан Президенты бюджет баланслы булсын өчен, депутат корпусы белән тыгыз эш барырга тиешлеген җиткерде.

Татарлар беренче тапкыр Канадада "Nuestroamericana-2018" дуслык парадында катнаша

"Nuestroamericana" фестивале Монреальдә быел сигезенче тапкыр үтә.

Илшат Сәетов татар кешесе мәдәни проектларга акча бирергә өйрәнәчәк дип саный

Зуля Камалованың татарча альбомына краудфандинг юлы белән акча җыяр өчен бер атна вакыт калды.