Спорт

Күрмәүчеләр һәм начар күрүчеләр өчен махсус спорт мәйданчыгы кирәк - Рамил Каюмов

Мәйданчык инвалидлар арасында футболны үстерергә һәм популярлаштырырга ярдәм итәчәк, дип саный тренер.
07.07 15:18

(Казан, 7 июль, “Татар-информ”, Ләйлә Хәкимова). Күрмәүчеләр һәм начар күрүчеләр арасында футболны үстерерү һәм популярлаштыру өчен махсус спорт мәйданчыгы кирәк. Бу хакта бүген IT-паркта Дөнья чемпионатның шәһәр матбугат үзәгендә Лаештагы Сукыр һәм начар күрүче балалар интернат-мәктәбе тренеры Рамил Каюмов әйтте.

"Безнең команда да 17 уенчы. Уңышларыбыз шактый, төрле спорт бәйгеләрендә алдынгы урыннар яулыйбыз. Интернат-мәктәптә 2004 елдан бирле эшлим. Мәктәпне 200дән артык спортчы тәмамлады. Шуларның дүртесе Россиянең атказанган спорт остасы исеменә лаек булды. Без Лаеш район үзәгендәге балалар-үсмерләр спорт мәктәбендә шөгыльләнәбез. Әмма, күрмәүчеләр һәм начар күрүчеләр футболны махсус спорт мәйданчыгында уйнаса яхшы булыр иде. Мәйданчык булмагач авыр, чөнки бер без генә футбол уйнамыйбыз бит. Физик мөмкинлекләре чикләнгән кешеләр арасында да спорт белән шөгыльләнүчеләр күп, араларында бик оста уйнаучылар да бар. Алга таба да футболны үстерәсе һәм популярлаштырасы килә", - диде ул.

Начар күрүчеләр футбол уйнаганда үзләрен иркен тота. Алар өчен өчен тупка махсус тавыш сигналы куелган. Уен вакытында туптагы кыңгырау чыңлый. "Тупларның бәясе кыйммәт, берсе генә дә сигез меңнән артык тора. Аның өстенә форма һәм башка спорт инвентарьләре сатып алырга кирәк. Ярдәм итүчеләр бар, чөнки аларсыз булмый. Безнең команданы матди яктан тәэмин иткәннәре өчен Татарстан Республикасының яшьләр эшләре, спорт һәм туризм министрлыкларына олы рәхмәт сүзләрен ирештерәбез", - диде тренер.

Начар күрүчеләр футбол командасында уйнаучы Антон Агафонов Казанда узган футбол Чемпионаты хакында үз фикерләрен әйтте. "Командаларның уенын Җанатарлар фестивалендә тыңладык. Безне волонтерлар озатып йөрде, һәрдаим ярдәм иттеләр. Чемпионат бетә, ләкин аның рухы әле озак сакланачак. Казан өчен бу зур вакыйга булды. Командалар да үзләренә нәтиҗә ясап, матур тәэсирләр белән таралышкандыр. Командаларның уеннарына килсәк, көтелмәгән борылышлар күп булды", - диде ул.

КӨН ҮЗӘГЕНДӘ

19 июльнең төп вакыйгалары - фото һәм сылтамалар

КФУда милли белем бирү системасына педагогик кадрлар əзерлəү буенча биш юнəлеш ачылды, Татарстан Президенты ВТБ банкы рәисе урынбасары белән очрашты.

Салават Фәтхетдинов иң зур сабан туе Казанда узып, татарлар бирегә җыелырга тиеш дип саный

Җырчы үзенең 30нчы концерт сезонына багышланган матбугат конференциясендә сабантуйларга булган мөнәсәбәтен җиткерде.

Рөстәм Миңнеханов: Иртәме-соңмы үзмәшгульлек системасын гадиләштерергә кирәк

Хөкүмәт өчен үз эшләре белән шөгыльләнүчеләрдән бюджетка салым кертүгә караганда системаны гадиләштерү мөһимрәк, диде Татарстан Президенты.

Татарстан Президенты ВТБ банкы рәисе урынбасары белән очрашты

Татарстандагы ВТБ банкының кредит портфеле 2018 елның беренче яртыеллыгы нәтиҗәләре буенча МСБ сегментында 33 миллиард сумга җиткән.

Татар дин әһелләре форумы делегатларына әзерләнгән концертны “Татар-информ” онлайн күрсәтә

Муса Җәлил исемендәге Татар дәүләт опера һәм балет театрында Татарстан Республикасы Дәүләт фольклор ансамбле концерты бара.