Татар дөньясы

Ялтада беренче Сабан туйны Ренат Ибраһимов үткәрде

Әлеге бәйрәмдә Кырымда яшәүче һәм Кара диңгезгә ял итәргә килгән татарлар катнашты.
08.07 10:05

(Ялта, 8 июль, «Татар-информ», Гөлназ Шараева). 7 июльдә Кырымның Ялта шәһәрендә беренче тапкыр Сабан туе уздырылды. Биредә Кырым ярымутравында яшәүче милләттәшләребездән тыш, төрле төбәкләрдән Кара диңгез буена ял итәргә килгән татарлар, башка милләт вәкилләре дэ бәйрәмгә кушылды.

Милли уеннар, җыр-моң, бәйгеләр белән үрелеп барган чарада Татарстанның халык җырчылары Ренат Ибраһимов, Гөлзада Сафиуллина да катнашты. Ялтада гомер итүче милләттәшләребезгә Чаллыда нәшер ителүче “Мәйдан” журналы, нәниләргә “Көмеш кыңгырау” газетасының соңгы саннары Татарстаннан күчтәнәч буларак таратылды.

“Безнең өчен бәяләп бетермәслек вакыйга бу – Ялта Сабан туе! Оештыручыларга рәхмәт, татар рухын торгызуда, милләтебезне танытуда алар буген зур эш башкарды”, - дип фикерләре белән бүлеште Ялтаның Татар үзәге җитәкчесе Рәйсә Алексеева-Шәрипова.

Сабантуйны оештыручылар: җырчы Ренат Ибраһимовның “iPro” продюсерлык үзәге (төп оештыручы), Кырым Республикасы һәм Севастополь шәһәрендә Татарстанның даими вәкиллеге, Ялта шәһәре администрациясе, Мәскәү шәһәренең Төбәк татар милли-мәдәни автономиясе.

 

КӨН ҮЗӘГЕНДӘ

Рөстәм Миңнеханов Татарстан Дәүләт Советына еллык юллама белән мөрәҗәгать итте

Салих Сәйдәшев исемендәге Зур Концертлар залында узган чарада Минтимер Шәймиев, Алексей Песошин, Татарстан депутатлары һәм башкалар катнашты.

Казан мэры Президент юлламасы турында: Бурычлар куелды һәм без аларны үтәргә әзер

Рөстәм Миңнеханов Дәүләт Советына юлламасында республиканың тотрыклы социаль-икътисади үсешен саклауның әһәмиятен әйтте.

Авылдагы мәдәният оешмаларына эшкә килгән яшь белгечләргә пособие бирәчәкләр

Урта һөнәри белеме булган белгечләргә - 50 мең сум, югары белемле белгечләргә 100 мең сум акча түләнәчәк.

Татарстанда 2019 елга пенсионерларның яшәү минимумы күләме билгеле булды

Республикада 73 меңгә якын пенсионер федераль социаль өстәмә акча ала.

Рөстәм Миңнеханов Татарстанда гериатрия хезмәте оештырырга тәкъдим итте

Республикада олы яшьтәге кешеләрнең авыруларын дәвалаучы медицина үзәге кирәклеген Президент үзенең еллык Юлламасында әйтте.