Хәвеф-хәтәр

Татарстанның Биектау районында үз йортында 80 яшьлек пенсионер әби янып үлгән

Янгын Каенлык авылында Үзәк урамның 6нчы йортында чыккан.
08.07 13:33

(Казан, 8 июль, “Татар-информ”). Татарстанның Биектау районында үз йортында 80 яшьлек пенсионер әби янып үлгән. Бу хакта “Татар-информ” агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

Кичә иртән Каенлык авылында Үзәк урамның 6нчы йортында янгын чыккан. Ут хуҗалык биналарын да ялмап алган.

87 квадрат метрдагы янгын барысын да юк иткән. Янгын калдыкларын актарганда янгын сүндерүчеләр 80 яшьлек әбинең үле гәүдәсенә тап булган.

Янгында зыян күргән 54 яшьлек хатын-кыз хастаханәгә озатылган. Аны аркасы пешү сәбәпле, Биектау үзәк район хастаханәсенә салганнар.

Беренчел мәгълүматлар буенча, янгын ут белән сак эш итмәүдән чыккан.

 

КӨН ҮЗӘГЕНДӘ

Рөстәм Миңнеханов район башлыкларына коммуналь техника ачкычлары тапшырды

Республиканың 25 муниципаль районына автогрейдер, төягеч һәм башка махсус техника тапшырдылар.

“Ак Барс” Казанда “Сибирь” командасын җиңде

26 сентябрьдә “Ак Барс” Кытай командасы “Куньлунь Ред Стар” белән “Татнефть-Арена” бозында көч сынашачак.

Казанда ат спорты буенча Татарстан Кубогы тәмамланды

Ярышларда барлыгы 34 команда катнашты.

24 сентябрьнең төп вакыйгалары - фото һәм сылтамалар

Татарстан Президенты Дәүләт Советына еллык Юллама белән чыкты, 2019 ел Татарстанда Эшче һөнәрләре елы булачак, Казанга Үзбәкстан театры килде.

Татарстан районнарының иң яхшы якташлыклары бүләкләнде

Быел беренче урынга Буа районы якташлык җәмгыяте лаек булды.