Хәвеф-хәтәр

Татарстанның Спас һәм Түбән Кама районнарында суга баткан ике кешенең гәүдәләре табылган

54 яшьлек ир-атның мәетен – Долгое күлендә, ә 19 яшьлек егетнекен Идел елгасында тапканнар.
09.07 12:10

(Казан, 9 июль, «Татар-информ»). Татарстанның Спас һәм Түбән Кама районнарында суга баткан ике кешенең мәетен тапканнар. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсеннән хәбәр иттеләр.

Узган шимбәдә Суда коткару җәмгыяте хезмәткәрләре Дмитриевка авылы янында Долгое күлендә яр буеннан өч метр эчтә 54 яшьлек ир-атның мәетенә юлыккан. Балыкчы 3 июльдә батып үлгән, дип фаразлана.

Бүген иртән 112 бердәм номерына Болгар шәһәре янында Идел елгасында 6 июльдә юкка чыккан 19 яшьлек егетнең җәсәде табылуы хакында хәбәр килгән.

Хәзерге вакытта белгечләр әлеге фаҗигаларның ни сәбәпле килеп чыгуын ачыклый. 

КӨН ҮЗӘГЕНДӘ

18 июльнең төп вакыйгалары - фото һәм сылтамалар

Рөстәм Миңнеханов бюджет акчасын нәтиҗәле файдалануны таләп итте, Изге Болгар җыенына бару өчен һәрбер мөхтәсибәткә автобус биреләчәк.

Рөстәм Миңнеханов Вьетнамның Тулы вәкаләтле илчесе белән хезмәттәшлек турында сөйләште

"Татарстан Россия-Вьетнам мөнәсәбәтләре кысаларында Вьетнам белән хезмәттәшлекне үстерүгә аеруча игътибар итә", - диде президент.

Рөстәм Миңнеханов бюджет акчасын нәтиҗәле файдалануны таләп итте

Татарстан Президенты бюджет баланслы булсын өчен, депутат корпусы белән тыгыз эш барырга тиешлеген җиткерде.

Татарлар беренче тапкыр Канадада "Nuestroamericana-2018" дуслык парадында катнаша

"Nuestroamericana" фестивале Монреальдә быел сигезенче тапкыр үтә.

Илшат Сәетов татар кешесе мәдәни проектларга акча бирергә өйрәнәчәк дип саный

Зуля Камалованың татарча альбомына краудфандинг юлы белән акча җыяр өчен бер атна вакыт калды.