Мәдәният

Яшел Үзәнгә Мәскәүдән күчмә музей-күргәзмә килә

11-12 һәм 13-15 яшьлек балалар, рәсем бәйгесендә катнашып, "Артек"ка юллама ота алачак.
09.07 13:41

(Казан, 9 июль, «Татар-информ»). 13 июль көнне Яшел Үзәндә «Сәнгать белән очрашу урыны» Бөтенроссия проекты ачыла. Россия Мәдәният министрлыгы һәм «РОСИЗО» Музей-күргәзмә үзәге оештырган проект быел тагын 9 төбәкне колачлый. Алар арасында Яшел Үзән шәһәре дә бар. Бу хакта Татарстан Мәдәният министрлыгы матбугат хезмәте хәбәр итә.

Проектның максаты – Россиянең читтәге төбәкләрендә яшәүчеләрне совет чоры рәссамнары иҗаты белән таныштыру. Булачак мәдәният хезмәткәрләре – Мәскәү дәүләт педагогика университеты студентлары - «РОСИЗО» белгечләре әзерләгән материаллар буенча интерактив экскурсияләр үткәрәчәк, Рус музее сәнгать белгечләре яздырган видеолекцияләр дә тәкъдим итәчәк.

Проектның яшь катнашучыларын - 11-12 һәм 13-15 яшьлекләрне  - «Минем картина сөйли» дигән төбәкара рәсем бәйгесендә катнашырга чакыралар. Финалга чыгучылар «Артек» Халыкара балалар үзәгенә тематик сменаларга барачак.  Мәскәүдә проектта җиңүчеләрнең күргәзмәсе оештырылачак. Бу - бәйгенең нәтиҗәсе булачак.

  • Яшел Үзәндә күргәзмә 13 июльдән 29 июльгә кадәр эшләячәк. Адресы: Яшел Үзән шәһәре, Ленин урамы, 13. «Яшел Үзән музыка театры».

Күргәзмә белән танышу, экскурсияләр һәм лекцияләр – барысы да бушлай.


 

КӨН ҮЗӘГЕНДӘ

Р.Миңнеханов: Сингапур белән элемтәләрне үстерүдә Татарстан төбәк дәрәҗәсендә катнаша

Россия һәм Сингапур арасында дипломатик мөнәсәбәтләрне Сингапурның беренче Премьер-министры Ли Куан Ю урнаштырды, диде Максим Акимов.

Башкортстан иҗтимагый палатасы мәктәпләрдә туган телне укыту торышын тикшерергә җыена

Кайбер дәреслекләрне терминнар сүзлеген кулланмыйча укып булмый, ди иҗтимагый палата вәкиле.

Казанда татар юмор мәктәбен ачарга җыеналар

“МИН ЮМОРИСТ” тамашасын оештыручылар яңа талантлар эзли.

Акимов Россия белән Сингапур хезмәттәшлеген үстерүдә Татарстанның күп эш башкаруын әйтте

Россия-Сингапур эшлекле форумының пленар утырышында Татарстан Республикасы Президенты Рөстәм Миңнеханов катнашты.

Алексей Песошин КДЭУ технопаркының Татарстанга яңа инновацион идеяләр бирәчәген әйтте

Премьер-министр, Казан дәүләт энергетика университетының 50 еллык юбилее кысаларында, технопарк ачылышында катнашты.